جاپوندار سۋ استىندا جۇزەتىن قالا سالادى - فوتو

ادام بالاسى جەردىڭ كەز كەلگەن ايماعىن ءومىر سۇرۋگە بەيىمدەپ ۇلگەردى. ءتىپتى قازىرگى كەزدە ءشول ىستىعى مەن پوليۋستىڭ قاقاعان سۋىعىندا دا تىرشىلىك ەتۋگە مۇمكىندىك بار. ەندى عالىمدار جەردىڭ %71 ىن سۋ قاپتاپ جاتقانىن ەسكەرىپ، تۋريستىك ماقساتتا سۋ استىنا ساياحاتتاۋعا، ودان قالسا ءبىرشاما ۋاقىت ءومىر ءسۇرۋ مۇمكىندىگىن قاراستىرۋدا.

The Japan Times گازەتىنىڭ جازۋىنا قاراعاندا، جوعارى تەحنولوگيامەن جابدىقتالاتىن قالا 500 مەتر ديامەترلى شار ءتارىزدى قۇرىلىمعا يە بولادى. ال سىيىمدىلىعى 5000 ادام بولماق. سۋ استىندا جۇزەتىن قالانىڭ كونسەپىن جاساۋعا توكيو ۋنيۆەرسيتەتى مەن جاپونيا عىلىم جانە تەحنولوگيا اگەنتتىگىنىڭ (Jamstec) ماماندارى قاتىسقان.

ءاربىر شار ءتارىزدى قالا بۇراندى سىم ىسپەتتەس الىپ قۇرىلىم ارقىلى 15 شاقىرىم تومەنگە دەيىن تۇسە الاتىن بولادى. بۇل جوبا ماقساتى - ادامداردىڭ تسۋنامي نەمەسە جەر سىلكىنىسى كەزىندە پانالايتىن قالاشىعىن قۇرۋ.

سۋ استىندا قاجەت بولاتىن وتتەكتى كومىرقىشقىل گازىنان الىنسا، تەمپەراتۋرا مەن قىسىمنىڭ ايىرماشىلىعى ەلەكتر ەنەرگياسىن شىعارۋعا قولدانىلادى. ازىرگە تەك قۇرىلىمدىق جوباسى عانا بار قالانى سالۋعا $25 ميلليارد قارجى جۇمسالىپ، 2030-جىلعا قاراي قولدانۋعا بەرىلەتىن بولادى.

massaget.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى