تۇڭعىش رەت «جۇلدىزدار ايتىسادى» اتتى شوۋ- ايتىس وتەدى

ەلىمىزدە تۇڭعىش رەت وتكىزىلگەلى وتىرعان شاراعا بەكارىس شويبەكوۆ، اينۇر تۇرسىنبايەۆا، بالعىنبەك يماشيەۆ، سەرىكزات دۇيسەنعازين، يرانعايىپ كۇزەنبايەۆ، سارا توقتامىسوۆا، ديدار قاميەۆ سياقتى بەلگىلى ايتىسكەرلەرمەن بىرگە، روزا ءالىقوجا، قاراقات ءابىلدينا، قانات ءالجاپپاروۆ، ۇلىقپان جولداسوۆ، ينديرا راسىلحان، جازيرا بايىربەكوۆا، جانار ايجانوۆا سىندى تانىمال جۇلدىزدار قاتىسادى.

كەشتى باقىتجان قاسىموۆ پەن اسەل ەرگەش قىزى جۇرگىزەدى. باستالۋى - ساعات 19:00.

 سونداي- اق، استانا قالاسىندا تاۋەلسىزدىك كۇنىنە وراي ءبىرقاتار مادەني شارالار ۇيىمداستىرىلۋدا. اتاپ ايتقاندا 5-18 - جەلتوقساندا «الجير» مۇراجايىندا «تاۋەلسىزدىك ەدىمىزدىڭ تىرەگى» بەينەپانورامالىق كورمە ۇيىمداستىرىلسا، 13 - جەلتوقساندا «قازاقستان» ورتالىق كونتسەرت زالىندا «تۇران» ەتنو- فولكلورلىق ءانسامبلىنىڭ كونتسەرتى وتەدى. 15 - جەلتوقساندا قازاق حالىق اسپاپتارى وركەسترىنىڭ «قازاقتىڭ مىڭ كۇيى» اتتى كونتسەرتى وتەدى.

«قازاقستان» ورتالىق كونتسەرت زالىندا التىناي جورابايەۆانىڭ «قازاقستان العا!» اتتى كونتسەرتى وتسە، تەاتر كورەرمەندەرى 14 - جانە 17 - جەلتوقسان كۇندەرى جاڭا وقۋشىلار سارايىندا شەكسپيردىڭ «اساۋعا تۇساۋ» كومەدياسىن جانە ن. گوگولدىڭ «ريەۆيزور» تراگيفارس جانرىنداعى قويىلىمىن تاماشالاي الادى. سونىمەن قاتار، ق. قۋانىشبايەۆ اتىنداعى قازاق مەملەكەتتىك اكادەميالىق مۋزىكالىق دراما تەاترىندا «ابىلاي حاننىڭ ارمانى» اتتى سپەكتاكل ساحنالانادى.

16 - جەلتوقسان كۇنى قالالىق الاڭدا استانا قالاسىنىڭ جاستارىنا جانە ەلوردا تۇرعىندارى مەن قوناقتارىنا ارنالعان ءبي كەشى ۇيىمداستىرىلادى. شارا بارىسىندا قازاقستاندىق ەسترادا جۇلدىزدارى ونەر كورسەتەدى.

سۋرەت: وڭدەلگەن 

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى