جولاۋشىلار مۇز قاتقان ۇشاقتى يتەرۋگە ءماجبۇر بولدى - كەسكىن

وڭىردە سوڭعى كۇندەرى اۋا تەمپەراتۋراسى 52 گرادۋس ايازعا دەيىن جەتتى. وسىنىڭ سالدارىنان تۋ-134 شاسسيى اەرودروم جابىندىسىنا مۇز بولىپ قاتۋى ۇشاقتىڭ ۇشۋ-قونۋ جولاعىنا شىعىپ، جىلدامدىق الۋىنا كەدەرگى بولدى. «اۋە كومپانياسى ۇشاقتىڭ شاسسيىنە قيىر سولتۇستىككە ارنالماعان ماي جاقتى. لاينەر ايازدا ءبىر تاۋلىكتەن كوپ ۋاقىت تۇرىپ قالعاندىقتان، ۇشۋ الدىندا ونىڭ تىرەكتەرى جولاق جابىندىسىنا جابىسىپ قالىپتى»، - دەپ پىكىر ايتتى اەرودروم وكىلدەرى.

ۇشاق بورتىندا 70 كە جۋىق ادام بولدى. ولار ۇشاقتان شىعىپ، ەكيپاجعا ۇشاقتى ورنىنان قوزعالتۋعا كومەكتەسۋگە ءماجبۇر بولدى. تۋ-134 ۇشاعىمەن بولعان وقيعانىڭ ۆيدەوسى ينتەرنەتكە جۇكتەلدى، سودان بەرى الەۋمەتتىك جەلىلەردە كوپتەگەن ادامنىڭ تالقىسىنا قالدى. كەيبىر قولدانۋشىلار جولاۋشىلاردىڭ («ۆانكورنەفت» ۆاحتاشىلارى) ۇيىنە قايتۋ ءۇشىن جانكەشتىلىككە بارعانىن جازادى. «ۇشۋدى جاقسى كورسەڭ - ۇشاقتى يتەرۋدى دە ۇنات»، - دەپ ازىلدەيدى ينتەرنەت قولدانۋشىلارى.

tengrinews.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى