قىزمەتتە تامىر- تانىستىقتى، كوماندالىق اۋىسۋدى جويۋ باعىتىندا ءتيىستى شارالار اتقارىلادى
بۇل تۋرالى بۇگىن استانا اگەنتتىكتىڭ كەڭەيتىلگەن كەڭەسىندە وسى ۆەدومستۆونىڭ ءتوراعاسى قايرات قوجامجاروۆ ءمالىم ەتتى.
«ءبىزدىڭ كەلەسى ماقساتىمىز كادرلاردى ىرىكتەۋ مەن العا جىلجىتۋدى جەتىلدىرۋگە بايلانىستى. وسى ورايدا قىزمەتتە تامىر- تانىستىق پەن جاقىندىقتى، قاجەتتى ادامدارعا كونكۋرستار وتكىزۋدى، كوماندالىق اۋىسۋدى جويۋ باعىتىندا ءتيىستى شارالاردى قابىلداۋىمىز قاجەت»، - دەپ اتاپ ءوتتى ق. قوجامجاروۆ.
ونىڭ سوزىنە قاراعاندا، قاجەت ەمەس تورەشىلدىكتى جويۋ ماقساتىندا ءبىر ءوڭىردىڭ ىشىندە جانە مەملەكەتتىك ورگاننىڭ ىشىندە اۋىسۋدى كەلىسۋ تەتىگىن قايتا قاراستىرۋ كەرەك.
«مانساپتىق ءوسىمنىڭ وبەكتيۆتىلىگى مەن ادىلدىگىن قامتاماسىز ەتۋ بارلىق مەملەكەتتىك ورگاندار ءۇشىن ءسوزسىز ۇستانىمى بولۋى ءتيىس. بۇگىندە شەنەۋنىكتىڭ مانسابى كوبىنەسە باسشىنىڭ سۋبەكتيۆتى قالاۋى مەن ەركىنە بايلانىستى. ۆەدومستۆولىق بولەك نورماتيۆتىك اكتىلەر وسىعان ىقپال ەتۋدە. بۇل تۇرعىدا جاۋاپتى قىزمەتتەردە وزدەرىنىڭ ادامدارى پايدا بولادى، بۇل ءوز كەزەگىندە جەمقورلىق كەستەلەرىن قۇرۋ ءۇشىن جاعداي تۋعىزادى»، - دەدى ول.
وسى ورايدا ق. قوجامجاروۆ ەنگىزىلىپ وتىرعان اقپاراتتىق جۇيە ارقىلى نەگىزگى ۇستانىمداردى قورعاۋ كۇشەيەتىندىگىن جانە دە بۇل شارالار مەملەكەتتىك قىزمەتتىڭ ساپاسىن ارتتىراتىندىعىن اتاپ ءوتتى.
اۆتور: رۋسلان عابباسوۆ
