قازاقستاندىق كومپانيا «قاز اتوم ونەركاسىپ» تاياۋ شىعىس پەن سولتۇستىك افريكادا كۇن ەلەكتر ستانسالارىن سالۋدا

بۇل تۋرالى بۇگىن ەلىمىزگە رەسمي ساپارمەن كەلگەن نيدەرلاندى كورولدىگىنىڭ ەكونوميكلىق ىستەر ءمينيسترى حەنك كامپپەن كەزدەسۋدەن كەيىن ق ر ەنەرگەتيكا ءمينيسترى ۆلاديمير شكولنيك ءمالىم ەتتى.

ونىڭ اتاپ وتۋىنشە، ق ر پرەزيدەنتى ن. نازاربايەۆتىڭ تاپسىرماسىنا سايكەس، ەلىمىزدە سوڭعى 2,5-3 جىلدىڭ كولەمىندە كۇن پانەلدەرىن جاساۋ بويىنشا تەحنولوگيالىق ونەركاسىپتىڭ بارلىق سيكلى قالىپتاستى.

«ال، قازىرگى ۋاقىتتا ءبىز كۇن ساۋلەسىن ەلەكتر ەنەرگياسىنا اينالدىرۋ تەحنولوگيالارىن دايىنداۋ مەن جەتىلدىرۋدە الەمدەگى ۇزدىك گوللانديانىڭ ECN كومپانياسىمەن تىعىز جۇمىس ىستەۋدەمىز. بىزدەر تاياۋ شىعىس ەلدەرىندە، ونىڭ ىشىندە كاتاردا بىرلەسىپ جۇمىس ىستەۋگە نيەتتىمىز. بۇگىندە قۋاتى 10 گ ۆ ت- تى قۇرايتىن كۇن پانەلدەرىن جاساۋ جونىندەگى بايىپتى جوبانى قولعا الىن وتىرمىز»، - دەدى ول.

ۆ. شكولنيكتىڭ سوزىنە قاراعاندا، قازىرگى ۋاقىتتا قۇرامىندا امەريكاندىق، گوللانديالىق جانە «قاز اتوم ونەركاسىپ» ماماندارىنان قۇرىلعان توپ جاساقتالعان.

«قازىرگى ۋاقىتتا بىزدەر سولتۇستىك افريكا مەن تاياۋ شىعىستا قۋاتى 10 گ ۆ ت ەلەكتر ەنەرگياسىنان اسىپ تۇسەتىن بىرنەشە كۇن ەلەكتر ستانسالارىن سالۋ جۇمىستارىمەن اينالىسىپ جاتىرمىز»، - دەپ قوستى ق ر ەنەرگەتيكا ءمينيسترى.

اۆتور: مارلان جيەمباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى