تەڭىز سايتانى تۇڭعىش رەت بەينە كامەراعا ىلىكتى
- دەپ حابارلايدى تەngrinews.kz امەريكالىق اقپارات قۇرالدارىنا سىلتەمە جاساپ.
ەرەكشە جاندىك تىنىق مۇحيتىنىڭ كاليفورنيا جاعالاۋىندا 600 مەترگە جۋىق تەرەڭدىكتە كامەراعا ىلىككەن. ول تەرەڭ سۋ استىنا ارنالعان باتيسكافتىڭ كومەگىمەن ۆيدەوعا ءتۇسىرىلدى.
تەڭىز سايتانى - مۇحيتتىڭ سيرەك كەزدەسەتىن ءارى جۇمباق جاندىكتەرىنىڭ ءبىرى. ول - قورەگىن ماڭدايىنداعى جارقىراپ تۇراتىن ۇزىن وسكىننىڭ كومەگىمەن تاۋىپ جەيتىن جىرتقىش، ماڭدايداعى وسكىنى قارماق ءتارىزدى، ونىڭ جارىعى ۇساق بالىقتار مەن ۇلۋلاردى ارباپ، قاقپانعا تۇسىرەدى. سول سەبەپتى تەڭىز سايتانىن قارماقشى دەپ تە اتايدى. ۇسقىنسىزدىعىنا قاراي وعان تەڭىز سايتانى دەگەن اتاۋ بەرىلگەن. ونىڭ باسى ءىرى، تىستەرى وتكىر.
ۇزاق جىلدار بويى وكەانولوگتار تەڭىز سايتانىن تىرشىلىك ەتۋ ورتاسىندا تاسپاعا ءتۇسىرىپ الۋعا ارەكەتتەنگەنىمەن ەش ناتيجە شىقپاي كەلگەن ەدى.
kaz.tengrinews.kz
