تىركەلمەگەن نومىرلەردى اجىراتۋ قوعام قاۋىپسىزدىگى ءۇشىن قاجەت - ا. جۇماعاليەۆ
بۇل تۋرالى استاناداعى ماجىلىستەگى «نۇر وتان» پارتياسى فراكسياسى جانىنداعى ەكونوميكالىق ساياسات كەڭەسىنىڭ، پارتيانىڭ سايلاۋالدى تۇعىرناماسىنىڭ «يننوۆاتسيالىق» ەكونوميكا باعىتى بويىنشا ساراپتامالىق توپتىڭ بىرلەسكەن وتىرىسىندا ايتىلدى.
ۇيالى وپەراتورلاردا بارلىق نومىرلەردى تىركەۋ ماسەلەسىنە توقتالعان ق ر ينۆەستيتسيالار جانە دامۋ ۆيتسە- ءمينيسترى: «بۇل باعىتتاعى شارالار حالىقارالىق تاجىريبەگە سايكەس كەلەدى. تەلەفوندى پايدالانۋ ءۇشىن ونىڭ ءتيىستى تىركەۋى بولۋى كەرەك. بۇنداي نورما بۇرىننان بەكىتىلگەن. بۇل ماسەلەنى رەتتەۋ ءۇشىن ۇيالى بايلانىس وپەراتورلارىنا تىركەۋ مەرزىمى ۇزارتىلدى. بۇل قۇقىق قورعاۋ ورگاندارى جۇمىسى مەن جالپى قوعام قاۋىپسىزدىگى ءۇشىن قاجەتتى شارا. اتاپ ايتقاندا، بۇنداي جۇمىستار حالىقارالىق تاجىريبەمەن ناقتىلانعان»، - دەدى.
وسى ورايدا ول ابونەتتەر تۇرعىسىنان الىپ قاراعاندا، ولاردىڭ قۇقىعى بۇزىلمايتىندىعىن اتاپ ءوتتى. ەگەر دە بارلىعى تىركەلمەگەن نومىرلەردى راسىمدەيتىن بولسا، ازاماتتار ۇيالى بايلانىس قىزمەتىن پايدالانۋدى جالعاستىرادى.
ا. جۇماعاليەۆ نومىرلەرىن تىركەمەگەن ابونەتتەر ءۇش پايىزدان اسپايتىندىعىن جەتكىزدى.
ەستەرىڭىزگە سالا كەتەيىك، قازاقستاننىڭ ۇيالى بايلانىس وپەراتورلارىنىڭ رەسمي سايتتارىندا س ي م- كارتالار جەكە تۇلعانىڭ اتىنا راسىمدەلمەگەن جاعدايدا بيىلعى 1 - جەلتوقساننان باستاپ بۇنداي ابونەنتتەرگە قىزمەت كورسەتۋ توقتاتىلاتىنى جايىندا ەسكەرتۋلەر جاسالعان.
«ق ر ينۆەستيتسيا جانە دامۋ مينيسترلىگىنىڭ بايلانىس، اقپاراتتاندىرۋ جانە اقپارات كوميتەتىنىڭ 2014 - جىلعى 10 - قازانداعى تالابى بويىنشا، تىركەلمەگەن ابونەنتتىك نومىرلەردى پايدالانۋشىلار 2014 - جىلعى 30 - قاراشاعا دەيىن وسى نومىرلەردى راسىمدەۋ قاجەتتىگى تۋرالى حابارلانادى. جوعارىدا اتالعان تالاپقا ساي، تىركەۋ مالىمەتتەرى جوق ابونەنتتىك نومىرلەرگە 2014 - جىلعى 1- جەلتوقسانننان باستاپ ۇيالى بايلانىس قىزمەتىن كورسەتۋ توقتاتىلادى. ابونەنتتىك نومىرلەردى تىركەۋ ماسەلەلەرى بويىنشا شۇعىل تۇردە وپەراتورلاردىڭ ساتۋ جانە قىزمەت كورسەتۋ كەڭسەسىنە حابارلاسۋ كەرەك»، - دەلىنگەن ۇيالى بايلانىس وپەراتورى مالىمەتتەرىندە.
اۆتور: رۋسلان عابباسوۆ
