ا ق ش قارۋلى كۇشتەرىنىڭ مايورى قازاقستاندىق مەدالمەن ماراپاتتالدى
«قورعانىس ءمينيسترى مايور دجاستين كولبەرتتى «دالا قىرانى-2014» وقۋ- جاتتىعۋلارىن ۇيىمداستىرعانى جانە قازاقستاننىڭ قارۋلى كۇشتەرىنىڭ بىتىمگەرلىك الەۋەتىن دامىتۋعا قوسقان ۇلەسى ءۇشىن «حالىقارالىق ىنتىماقتاستىقتى دامىتۋعا قوسقان ۇلەسى ءۇشىن» مەدالىمەن ماراپاتتاۋ شەشىمىن قابىلدادى. ءبىز «دالا قىرانى» وقۋ- جاتتىعۋلارى باستى بۋىن بولىپ تابىلاتىن بىرلەسكەن بىتىمگەرلىك دايىندىعىمىزدى ودان ارى دا جالعاستىراتىنىمىزدى اتاپ وتكىم كەلەدى»، - دەپ حابارلادى ت. مۇحتاروۆ.
ەستەرىڭىزگە سالا كەتەيىك، بيىلعى جىلى وقۋ- جاتتىعۋلارى العاش رەت قازاقستاننان تىسقارى جەردە (گەرمانيادا) ، سونداي- اق ا ق ش قارۋلى كۇشتەرى وقۋ- جاتتىعۋ ورتالىعىنىڭ اۋماعىندا تابىستى وتكىزىلدى، تۇپكى ماقساتقا تولىق قول جەتكىزىلدى. بارلىق اسكەريلەر يگەرگەن ماشىقتارى مەن مەڭگەرگەن داعدىلارىن ءىس جۇزىندە قولدانۋعا دايارلىعىن كورسەتە ءبىلدى.
ق ر قورعانىس ءمينيسترى ورىنباسارىنىڭ اتاپ وتۋىنشە، بيىلعى جىلعى وقۋ- جاتتىعۋلارىن ۇيىمداستىرۋدا اسكەري اتتاشە، پولكوۆنيك بەرريەر مەن ونىڭ ۇيىمداستىرىلۋىنا تىكەلەي جاۋاپتى بولعان اسكەري ىنتىماقتاستىق كەڭسەسىنىڭ باستىعى، مايور كولبەرتتىڭ تاراپىنان ۇلكەن كومەك بولدى.
«دالا قىرانى» وقۋ- جاتتىعۋلارى قازاقستان رەسپۋبليكاسى، ۇلى بريتانيا مەن سولتۇستىك يرلانديا بىرىككەن كورولدىگى جانە ا ق ش- تىڭ قارۋلى كۇشتەرى بولىمشەلەرىنىڭ قاتىسۋىمەن 2003 - جىلدان بەرى وتكىزىلۋدە، دەپ حابارلادى ق ر قورعانىس مينيسترلىگىنەن.
