قانات اۋەسباي: «بولاشاق» باعدارلاماسى اياسىندا تۇركى تىلدەس جاستاردى دا وقىتۋ كەرەك

 «قازىردە الەمنىڭ كوپتەگەن مەملەكەتتەرى شەتەلدىك جاستاردى وزدەرىندە وقىتۋدىڭ ءتۇرلى باعدارلامالارىن ۇسىنىپ جاتىر. وعان دالەل، بريتانيا ۇكىمەتى قارجىلاندىراتىن «چيۆنينگ» ، امەريكانىڭ «ەدمۋند ماسكي» ماگيسترلىك باعدارلاماسى، ەۋروپالىق وداقتىڭ «ەراسمۋس مۋندۋس» ستيپەندياسى، قىتاي، جاپونيا، تۇركيا، چەحيا ەلدەرىنىڭ جانە تاعى باسقا مەملەكەتتەردىڭ حالىقارالىق شاكىرتاقىلارى بار. بۇل باعدارلامالاردىڭ سول مەملەكەتتەرگە قۇيىلعان زور ادامي ينۆەستيتسيا ەكەنى ايتپاسا دا تۇسىنىكتى. شەتەلدىك ۋنيۆەرسيتەتتە وقىعان جاستار ءوز وتانىنا قايتىپ كەلگەن سوڭ دا ءوزىن وقىتقان ەلمەن، ۋنيۆەرسيتەتپەن بايلانىسىن ۇزبەيدى.

 ەندەشە دامىعان 30 ەلدىڭ قاتارىنا ەنۋگە ۇمتىلعان قازاقستانعا دا شەتەلدىك ستۋدەنتتەردى تارتۋدىڭ امالىن جاساۋ كەرەك. بۇل ءۇشىن بىزدە زور مۇمكىندىكتەر بار. ماسەلەن، نازاربايەۆ ۋنيۆەرسيتەتىنىڭ بازاسىندا وقىتساق. نەگە تۇركى تىلدەس جاستاردى ايتىپ وتىرمىن؟ بىرىنشىدەن، شەتەلدىك مەملەكەتتى تاڭداعاندا ول جاستارعا سول ەلدىڭ ءتىلىن ءبىلۋ تالابى قويىلادى. ال تۇركى تىلدەس جاستارعا قازاق ءتىلى تۋىسقان ءتىل بولعاسىن ۇيرەنۋگە جەڭىل سوعادى. ەكىنشىدەن، ولار كورشى ەلدەر بولعاندىقتان لوگيستيكا جاعىنان دا قازاقستانعا كەلىپ- كەتۋى جەڭىل»، دەپ اتاپ ءوتتى ق. اۋەسباي.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى