الاش مۇراسى اتتى عىلىمي ەڭبەك جارىق كوردى
«الاش مۇراسى» اتتى عىلىمي ەڭبەكپەن قاتار قايرات ءومىرباي ۇلىنىڭ جەتەكشىلىگىمەن قۇراستىرىلعان «الاش كوسەم- ءسوزى: جەر ماسەلەسى» اتتى كوپ تومدىقتىڭ دا تۇساۋكەسەرى ءوتتى. جيىنعا قوعام قايراتكەرلەرى الاشتانۋشى عالىمدار قاتىسىپ، كىتاپ جايىندا ءوز ويلارىن ورتاعا سالدى. ەكى مىڭ دانامەن شىققان عىلىمي كىتاپتار ەلىمىزدىڭ مادەنيەت جانە سپورت مينيسترلىگىنىڭ «ادەبيەتتىڭ الەۋمەتتىك ماڭىزدى تۇرلەرىن باسىپ شىعارۋ» باعدارلاماسى بويىنشا جارىق كورگەن بولاتىن. ءۇش جىل بويىندا جازىلعان تاريحي شىعارما جۋىردا بارلىق كىتاپحانالارعا جەتكىزىلەتىن بولادى. قايرات ساق، فيلولوگيا عىلىمدارىنىڭ كانديداتى: - بۇل جەردە الاش باسپا سوزىنە، كوسەمسوزىنە قاتىستى الاش قايراتكەرلەرىنىڭ ءومىربايانىنا، شىعارماشىلىق ىزدەنىستەرىنە، جالپى الاش مەكتەبىنە قاتىستى العاشقى تۇلعالارى، العاشقى تاۋەلسىزدىگىمىزگە ۇلەس قوسقان ۇلت قايراتكەرلەرى تۋرالى ءوزىمىزدىڭ زەرتتەۋلەرىمىز جيناقتالعان.
24.kz
