گرەكياداعى قازاقستاندىق ستۋدەنتتەر ەلباسى جولداۋىن تالقىلادى
جاس وتانداستارىمىز مەملەكەت باسشىسى ن. نازاربايەۆتىڭ «نۇرلى جول - بولاشاققا باستار جول» قازاقستان حالقىنا جولداۋىنىڭ باستى باعىتتارىمەن تانىستى. اتاپ ايتقاندا، كەزدەسۋگە قاتىسۋشىلارعا ەلدەگى قۇرىلىمدىق رەفورمالار، جاس ۇرپاقتى جۇمىسپەن قولداۋ ءىس-شارالارى، زاماناۋي بىلىممەن قامتاماسىز ەتۋ، تۇرعىن ءۇي ماسەلەلەرىن شەشۋ جانە ىسكەرلىك بەلسەندىلىكتى دامىتۋ جايىندا اتقارىلار جۇمىستار جونىندە حاباردار ەتىلدى.
ستۋدەنتتەر جاستاردىڭ قامىن ويلاعان پرەزيدەنتتىڭ يدەياسىن ماقۇلداپ، قازاقستاننىڭ الەمدىك گەوساياساتتىڭ وزگەرۋى مەن جاھاندىق داعدارىستىڭ جالعاسۋى جاعدايىنا قاراماستان، دامىعان وتىز ەلدىڭ قاتارىنا قوسىلۋى نيەتىن قولدادى. وتانداستاردىڭ پىكىرىنشە، اتالعان قۇجات قازاقستاننىڭ 2050-جىلعا دەيىنگى ۇزاق مەرزىمدى دامۋ ستراتەگياسىنا سايكەس مەملەكەتتىڭ جاقىن كەلەشەكتەگى دامۋىنا ارنالعان ناقتى باعدارلاما بولىپ وتىر.
