چەحيا پرەزيدەنتى قازاقستاندى ازاماتتىق اۆياتسيا سالاسىندا ىنتىماقتاسۋعا شاقىردى

«مەنىمەن بىرگە چەحيانىڭ 85 كاسىپكەرى كەلدى. قازىرگى كەزدە قازاقستان نارىعىندا 200 چەح فيرمالارى سەنىمدى جۇمىس ىستەۋدە. ەكى ەلدىڭ اراسىندا تاۋار اينالىمىنىڭ ارتۋى ءبىزدى قۋانتادى. سونىمەن قاتار، ەڭ باستىسى مەملەكەتتەر اراسىندا ينۆەستيتسيا كولەمى اسا قاجەت»، - دەدى م. زەمان.

چەحيا باسشىسى ءوز سوزىندە قازاقستانعا چەح كولىكتەرىن ۇسىناتىندىعىن اتاپ ءوتتى.

«ءبىز سونىمەن قاتار، ازاماتتىق اۆياتسيا سالاسىنداعى ىنتىماقتاستىققا شاقىرامىز. ناقتىراق ايتقاندا، ءبىزدىڭ جاڭعىرتىلعان شاعىن جانە ورتا كولەمدەگى ۇشاقتارىمىزدى ۇسىنامىز. بۇگىندە قازاقستاندا اۋەجايلاردىڭ جەلىسى سالىنىپ جاتقاندىعىن بىلەمىز. سوندىقتان، ءبىزدىڭ ۇشاقتار پايدالى بولار ەدى»، - دەدى ول.

مۇنىمەن قوسا، م. زەمان بيزنەس-فورۋمدا قول قويىلاتىن 13 كەلىسىمنەن بولەك، تاياۋ ارادا چەحيا ۇلتتىق بانكى مەن قازاقستاننىڭ ءتيىستى بانكتىك مەكەمەسى اراسىندا كەلىسىم بەكىتىلەتىنىنە سەنىم ارتتى.

اۆتور: رۋسلان عابباسوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى