اقمولا وبلىسىندا اسا ءىرى كولەمدەگى ۇرلىق جاساعان رەسەي ازاماتى قولعا ءتۇستى

بۇل تۋرالى وبلىستىق ءى ءى د ب باسپا ءسوز قىزمەتىنەن حابارلادى.

پوليتسەيلەردىڭ مالىمەتى بويىنشا، 22- قاراشا كۇنى ەڭبەكشىلدەر اۋداندىق ءى ءى ب اۋداندىق «قازپوشتا» تورابىنىڭ باسشىسى زاوزەرنوە سەلوسىنداعى پوشتا بولىمشەسىندەگى سەيفتەن بەلگىسىز بىرەۋلەردىڭ 2,5 ميلليون تەڭگەنى قولدى قىلعانىن ايتىپ، شاعىمدانعان.

وسىعان وراي، قولعا الىنعان جەدەل-ىزدەستىرۋ شاراسى بارىسىندا «الماتى - ەكاتەرينبۋرگ» تاس جولىنىڭ بويىندا «فورد سيەنا» اۆتو كولىگى توقتاتىلىپ، ىشىندە وتىرعان جولاۋشى، ياعني، 1991 - جىلعى كۇدىكتى قولعا تۇسكەن.

كەيىن بەلگىلى بولعانداي، كۇدىكتى رەسەي فەدەراتسياسىنىڭ ازاماتى بولىپ شىقتى. اعىمداعى جىلدىڭ ءساۋىر ايىندا قازاقستانعا جۇمىس ىستەۋگە كەلگەن. سوڭعى كەزدەرى اتالعان «قازپوشتا» بولىمشەسىندە وت جاعۋشى بولىپ جۇمىس ىستەگەن.

قازىرگى كەزدە كۇدىكتى ۋاقىتشا ۇستاۋ يزولياتورىنا توعىتىلىپ، زاتتاي دايەكتەر-ۇرلانعان اقشا تاركىلەندى. سونداي-اق، كۇدىكتىنىڭ ۇستىنەن ق ر ق ك 175-بابىنىڭ 3- ءبولىمى بويىنشا قىلمىستىق ءىس قوزعالدى.

اۆتور: اسلان وسپانوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى