باس پروكۋراتۋرا «ءمۇجاحيت» قازاق بالالارى تۋرالى كەسكىندى تەرروريستىك دەپ تاپتى
دەپ حابارلايدى BNews.kz.
«2014 - جىلعى 22 - قاراشادا ينتەرنەت جەلىسىندە سيريا اۋماعىندا جۇرگەن جانە تەرروريستىك ۇيىمدار جاعىندا سوعىس ارەكەتتەرىنە قاتىسىپ جاتقان قازاقستاندىق ازاماتتار كورسەتىلگەن بەينەروليك تاراتىلا باستادى. زەردەلەۋ روليكتىڭ مازمۇنى تەرروريستىك ارەكەتكە قاتىسۋدى ناسيحاتتاۋعا جانە اقتاۋعا باعىتتالعانىن كورسەتتى»، - دەپ مالىمدەدى باس پروكۋراتۋرادان.
«بۇقارالىق اقپارات قۇرالدارى تۋرالى» قازاقستان رەسپۋبليكاسى زاڭىنىڭ 2- بابىنىڭ 3- تارماعىنا ساي تەرروريزمدى ناسيحاتتاۋعا جانە اقتاۋعا جول بەرىلمەيدى. «تەرروريزمگە قارسى ءىس- قيمىل تۋرالى» قازاقستان رەسپۋبليكاسى زاڭىنىڭ 10- بابىنا سايكەس تەرروريزمدى ناسيحاتتاۋعا تىيىم سالىنعان.
«وسىعان بايلانىستى باس پروكۋراتۋرا «بايلانىس تۋرالى» زاڭنىڭ 41-1- بابىنىڭ نەگىزىندە 2014 - جىلعى 22 - قاراشادا قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ بايلانىس، اقپاراتتاندىرۋ جانە اقپارات كوميتەتىنە اتالعان روليككە كىرۋدى وقشاۋلاۋ، سونداي- اق ونى سوت تارتىبىندە زاڭسىز دەپ تانۋ جانە قازاقستان اۋماعىندا تاراتۋعا تىيىم سالۋ جونىندە شارالار قابىلداۋ تۋرالى ۇيعارىم ەنگىزدى»، - دەلىنگەن اقپاراتتا.
ۋاكىلەتتى ورگان وسى پروكۋرورلىق قاداعالاۋ اكتىسىن ورىنداۋ جونىندەگى شارالاردى قابىلداۋدا.
دەي تۇرعانىمەن، جەكەلەگەن جەكە جانە زاڭدى تۇلعالار، سونداي- اق بۇقارالىق اقپارات قۇرالدارى بايلانىس قۇرالدارىن جانە جەلىلەرىن پايدالانا وتىرىپ، قاراستىرىلىپ جاتقان قۇقىققا قايشى بەينەماتەريالدى تاراتۋدى جالعاستىرۋدا.
«وسىعان بايلانىستى، قۇقىقتىق سالدارلاردىڭ تۋىنداۋىن بولدىرماۋ ءۇشىن باس پروكۋراتۋرا جوعارىدا كەلتىرىلگەن زاڭداردىڭ نورمالارىن قاتاڭ ساقتاۋ قاجەتتىگىن ەسكەرتەدى جانە جوعارىدا اتالعان روليكتى نەمەسە ونىڭ جەكەلەگەن ەپيزودتارىن تاراتۋدان باس تارتۋدى ۇسىنادى» ، - دەدى پروكۋرورلار.
