شىمكەنتتە اڭساعان مۇستافانىڭ «سويلە، سۋرەت!» اتتى جەكە كورمەسى وتەدى
بۇل تۋرالى و ق و اكىمى اپپاراتىنىڭ باسپا ءسوز قىزمەتىنەن حابارلادى.
الەۋمەتتىك تاقىرىپتارعا ارنالعان گرافيكالىق سۋرەتتەر كورمەسىنە اۆتوردىڭ 50 گە جۋىق تۋىندىسى قويىلماق. اڭساعان قۇرمانعازى قىزىنىڭ كورمەسى وڭتۇستىك قازاقستان مەملەكەتتىك پەداگوگيكالىق ينستيتۋتىنىڭ عيماراتىندا اشىلادى دەپ جوسپارلانۋدا.
اڭساعان مۇستافانىڭ تۋىندىلارى تەك قازاقستاندا عانا ەمەس، سونداي-اق شەتەلدە دە تانىمالدىققا يە. قازاق جاستارىنا ارناپ سالىنعان سۋرەتتەرى تۇرىك، جاپون، گرۋزين، قىرعىز، اعىلشىن، ورىس كوركەمسۋرەت شەبەرلەرىنىڭ ىستىق ىقىلاسىنا بولەنىپ، الەمگە تارادى.
كەيبىر سۋرەتتەرى فەيسبۋكتىڭ لاتىن امەريكا سەگمەنتىندە، جەرگىلىكتى ەڭ تانىمال ارتىستەردىڭ رەيتينگىسىنەن اسىپ تۇسكەن. بۇگىندە ەۋرووداق ەلدەرى مەن جاپونيادا تارايتىن جۋرنالدار ءوز بەتتەرىندە ا. مۇستافانىڭ قولىنان شىققان سۋرەتتەردى قايتا باسۋعا رۇقسات الىپ وتىر.
