قازاقستان مەن قىتاي جاۋىنگەرلىك ازىرلىك سالاسىندا ءوزارا ءىس-قيمىلدى كەڭەيتەدى

ۆەدومستۆونىڭ مالىمەتىنشە، قازاقستان قارۋلى كۇشتەرى قۇرلىق اسكەرلەرىنىڭ باس قولباسشىسى گەنەرال-لەيتەنانت مۇرات مايكەيەۆ پەن قىتاي حالىق-ازاتتىق ارمياسى قۇرلىق اسكەرىنىڭ باس قولباسشىسى گەنەرال-مايور چجان تسزيانشەن اسكەري سالاداعى ىنتىماقتاستىقتى ءارى قاراي دامىتۋ ماسەلەلەرىن تالقىلادى.

حالىقارالىق اسكەري ىنتىماقتاستىق شەڭبەرىندە وتكەن كەزدەسۋدە مۇرات مايكەيەۆ ق ح ر حالىق-ازاتتىق ارمياسى دەلەگاتسياسىنىڭ قازاقستانعا ساپارى جاۋىنگەرلىك ازىرلىك سالاسىنداعى قارىم-قاتىناستاردى كەڭەيتۋ مەن تاجىريبە الماسۋ ءۇشىن ماڭىزدى ەكەنىنە توقتالدى. ءوز كەزەگىندە گەنەرال-مايور چجان تسزيانشەن ش ى ۇ اياسىندا وتكىزىلىپ كەلە جاتقان وقۋ-جاتتىعۋلار بارىسىندا كورسەتىلگەن قازاقستاندىق اسكەري قىزمەتشىلەردىڭ كاسىبي دەڭگەيىنىڭ جوعارىلىعىن اتاپ ءوتتى.

سونىمەن قاتار كەزدەسۋ بارىسىندا اسكەري كادرلار دايارلاۋ جانە اسكەري عىلىم سالالارىنداعى ىنتىماقتاستىقتى دامىتۋ ماسەلەلەرىنە باسا نازار اۋدارىلدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى