قازاقستاندىق اسكەري تەڭىزشىلەر جىل قورىتىندىسىن شىعاردى
بۇل تۋرالى ق ر قورعانىس مينيسترلىگىنىڭ باسپا ءسوز قىزمەتىنەن حابارلادى.
جيىنعا اسكەري-تەڭىز كۇشتەرى اسكەري بولىمدەرى مەن كەمەلەرىنىڭ باسشىلىق قۇرامى تارتىلدى. ءتورت وقۋ توبىنا بولىنگەن جيىنعا قاتىسۋشىلارمەن وقۋ-ادىستەمەلىك جيىننىڭ جوسپارى بويىنشا ساباقتار وتكىزىلدى. سونداي-اق وسى ءىس-شارانىڭ اياسىندا سپورتتىق سايىستار بولىپ، كوركەمونەرپازداردىڭ كونسەرتى قويىلدى.
«تاجىريبە الماسۋ - وسىنداي وقۋ-جاتتىعۋ جيىندارىنىڭ نەگىزگى ماساتى. وسىنداي ءىس-شاراعا قاتىساتىن ءاربىر اسكەري قىزمەتشى ءارى قاراي وقۋ-جاۋىنگەرلىك مىندەتتەردى ورىنداۋ جونىندەگى تاجىريبەسىن شىڭداۋعا كومەكتەسەتىن تەوريالىق بىلىمدەرىن ارتتىرادى»، - دەپ اسكەري- تەڭىز كۇشتەرىنىڭ باس قولباسشىسى كونتر-ادميرال جانداربەك جانزاقوۆ اتاپ ءوتتى.
بۇدان باسقا ج. جانزاقوۆ حابارلاعانداي كەلەسى جىلدىڭ 1- قاڭتارىنان باستاپ ق ك اسكەري-تەڭىز كۇشتەرىندە جاڭا جۇمىس ىستەۋ ءپرينتسيپى ەنگىزىلەتىن بولادى: «اسكەري قىزمەتشىلەر ايىنا ەكى رەت (جۇما كۇندەرى) تۇستەن كەيىن زاڭدى نەگىزدە جەكە ماسەلەلەرىن شەشۋگە بوساتىلادى. سايكەسىنشە جۇمىس ۋاقىتى قىسقارادى، ءبىراق جۇمىس كولەمى بۇرىنعى بولىپ قالادى. وسىنى تۇسىنگەن اسكەري قىزمەتشىلەر، باسشىلىقتىڭ باعىنىستىلارىنا قولداۋ كورسەتىپ وتىرعانىن سەزىنەدى جانە ولار ەركىن دەمالۋ ءۇشىن الدارىنا قويىلعان مىندەتتى تەزىرەك ورىنداۋعا تىرىساتىن بولادى».
سونىمەن قاتار كونتر-ادميرال ج. جانزاقوۆ ق ر ق ك ا ت ك كەمەلەرىنە ارنالعان جاڭا تەڭىز تۇراعىنىڭ قۇرىلىسى تۋرالى اڭگىمەلەپ بەردى. «قازىرگى پورتتىڭ سولتۇستىك-شىعىس جاعىنان 22 گەكتار اۋماقتا جاڭا پورت سالۋ كوزدەلگەن. 2015-جىلى جوبالاۋ-سمەتالىق قۇجاتتار، ال 2016-جىلى قۇرىلىستىڭ ءوزى اياقتالاتىن بولادى».
جىل قورىتىندىسىن شىعارعان اسكەري-تەڭىز كۇشتەرىنىڭ باس قولباسشىسى جاۋىنگەرلىك جانە مەملەكەتتىك-قۇقىقتىق دايارلىقتىڭ ۇزدىكتەرىنە باعالى سىيلىقتار تابىس ەتتى. سونداي-اق قارۋلى كۇشتەر ءتۇرىنىڭ قولباسشىلىعى اسكەري قىزمەتشىلەرمەن جانە ولاردىڭ وتباسى مۇشەلەرىمەن ولاردىڭ جەكە ماسەلەلەرى بويىنشا كەزدەسۋ وتكىزدى.
ءىس-شارالار ق ر ق ك ا ت ك اسكەري كەڭەسىنىڭ وتىرىسىمەن اياقتالىپ، وندا بولىمدەر مەن بولىمشەلەردىڭ جوعارى جاۋىنگەرلىك ازىرلىكتى قامتاماسىز ەتۋ جانە جەكە قۇرامنىڭ داعدىسىن جەتىلدىرۋ جونىندەگى مىندەتتەرى تالقىلاندى.
