بەيرۋتتە قازاقستاننىڭ تاۋەلسىزدىك كۇنى اتالىپ ءوتىلدى

 شارا بەيرۋتتىڭ «موۆەنپيك» قوناق ءۇيىنىڭ قابىلداۋ زالىندا ءوتتى، وعان 600 گە تارتا قوناق جانە ليۆان ماسس- مەدياسىنىڭ 40 وكىلى قاتىستى. سونىمەن، ليۆاننىڭ پرەمەر- ءمينيسترى تامام سالام مەن پارلامەنت سپيكەرى نابيح بەرريدى پارلامەنت دەپۋتاتى كاسەم حاشەم تانىستىردى. بۇدان باسقا، قوناقتاردىڭ اراسىندا ليۆان پرەزيدەنتىنىڭ حاتتاما ءبولىمىنىڭ باسشىسى لاحۋد لاحۋد، ليۆاننىڭ سىرتقى ىستەر جانە ەميگرانتتار مينيسترلىگىنىڭ وكىلى سەجاان كاززي، قورشاعان ورتانى قورعاۋ ءمينيسترى مۋحامماد ماشنۋك جانە پارلامەنتتىڭ باسقا دا دەپۋتاتتارى مەن وسى ەلدە اككرەديتتەلگەن ديپلوماتيالىق وكىلدىكتەر باسشىلارى بولدى.

ليۆان رەسپۋبليكاسىنداعى قازاقستان رەسپۋبليكاسىنىڭ ىستەرىنە سەنىم بىلدىرىلگەن وكىلى داۋلەت ەمبەرديەۆتى قابىلداۋ بارىسىندا، ول ق ر تۇڭعىش پرەزيدەنتى - ۇلت كوشباسشىسى نۇرسۇلتان نازاربايەۆتىڭ قاجىر- قايراتىنىڭ ارقاسىندا قازاقستان ەكونوميكاسى الەمدەگى ەڭ سەرپىندى دامىپ كەلە جاتقانداردىڭ بىرىنە اينالعانىن ايتتى. سونداي- اق قوناقتار ق ر باسشىسىنىڭ ەلدەگى ساياسي تۇراقتىلىقتى، ۇلتارالىق، كونفەسسياارالىق ۇيلەسىمدى قامتاماسىز ەتۋدە قوسقان باعا جەتپەس ۇلەسىنە نازار اۋداردى.

د. ەمبەردييەۆ استانادا «ەكسپو-2017» كورمەسى وتەتىنىن ايتىپ ءوتتى. قازاقستاننىڭ بۇل شارانى وتكىزۋى - ءبىزدىڭ ەلدىڭ ەكونوميكالىق دامۋىن الەمدىك قاۋىمداستىقتىڭ مويىنداعانى بولىپ تابىلادى.

قازاقستاندىق شارا ليۆاندىق ب ا ق- تىڭ ەرەكشە قىزىعۋشىلىعىن وياتتى. قابىلداۋعا ليۆاننىڭ 5 جەتەكشى تەلەارنالارى، بىرنەشە راديوستانسا، شامامەن 20 باسپا، ەلەكتروندىق باسىلىمدار قاتىستى. 

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى