پۋتين مەن ەردوعان قىرىمداعى مەشىت جايلى كەڭەسەتىن بولدى
«ورتالىق مەشىت ماسەلەسى قازىرگى كەزدە كۇن تارىتىبىنەن تۇسپەي تۇر. بارشالارىڭىزعا ءمالىم، بۇعان دەيىن مەشىت قۇرىلىسىمەن بەلگىلى ءبىر تۇلعالار، اتاپ ايتساق، قىرىم تاتارلارى مەدجليسىنىڭ ءتوراعاسى رەفات چۋباروۆ پەن حالىق كوشباسشىسى مۋستافا دجەميليەۆ اينالىسىپ كەلگەن بولاتىن. الايدا، قازىرگى ۋاقىتتا اتالعانداردىڭ ەكەۋى دە ەل اۋماعىندا جوق. جالپى، بۇل ماسەلە جەكەلەگەن تۇلعالاردىڭ ەمەس، جالپى حالىقتىڭ باس اۋىرتار ماسەلەسى بولۋى ءتيىس. تۇرىك جانە رەسەي مەملەكەتىنىڭ باسشىلارى اراسىنداعى كەزدەسۋدە وسى ماسەلە وڭ شەشىمىن تاۋىپ، جۇزەگە اسادى دەپ سەنەمىز. قالاي بولعاندا دا تۇرىك ەلى ورتالىق مەشىتى سالىپ بەرۋگە ۋادە بەردى ەمەس پە» ، - دەدى يلياسوۆ.
مەملەكەتتىك كەڭەستىڭ ءتوراعا ورىنباسارى ءوزىنىڭ تاتارستان مەن شەشەنستانعا بارعان ءىس ساپارلارى بارىسىندا تانىسقان كوركەم مەشىتتەر جايلى ايتا كەلىپ، قىرىم ءۇشىن دە سونداي ساۋلەتتى قۇلشىلىق ورداسىنىڭ بولۋى كەرەكتىگىن ايتتى.
