الماتى وبلىسىندا مۇستافا ءوزتۇرىككە ارنالعان ەسكەرتكىش اشىلادى

بۇل تۋرالى بۇگىن قازاقپارات تىلشىسىنە اتالمىش شارانى ۇيىمداستىرۋشى كوميتەتتىڭ مۇشەسى سۇلتان شوقپىتوۆ ءمالىم ەتتى.

«ەگەر ءتىرى بولعاندا مۇستافا اعامىز بۇل كۇنى 60 جاسقا تولار ەدى. ەندى وسى كۇنى وتەتىن ەسكەرتكىشتىڭ اشىلۋ راسىمىنە گەرمانيادان مۇستافا اعانىڭ جارى نۇريلا جەڭگەمىز، قىزدارى نەسليحان مەن اسليحان كەلەدى. سونداي- اق، تۇركيادان تۋىسقان اعاسى ءمانسۇر ءتاجى اعامىزدى دا كەلەدى دەپ وتىرمىز» - دەدى س. شوقپىتوۆ.

سونىمەن قاتار، سۇلتان شوقپىتوۆ ەسكەرتكىشتىڭ مىستان جاسالعاندىعىن جەتكىزدى.

«ەسكەرتكىشتىڭ بيىكتىگى شامامەن 2,5 مەتردەن اسادى. ول ارنايى تۇعىرعا ورناتىلادى. جاڭا ەسكەرتكىشتى جاساۋعا شامامەن 8 ميلليون تەڭگەدەن استام قارجى جۇمسالدى» - دەدى س. شوقپىتوۆ.

ەسكەرتكىشتىڭ اشىلاۋ راسىمىنە ق ر مادەنيەت جانە سپورت مينيسترلىگىنەن، الماتى قالاسى دەنە شىنىقتىرۋ جانە سپورت باسقارماسىنان، ق ر تايەكۆوندو فەدەراتسياسىنان (WTF) جانە الماتى قالالىق تايەكۆوندو (WTF) فەدەراتسياسىنان وكىلدەر كەلەدى دەپ كۇتىلۋدە.

سونىمەن قاتار، بۇل شاراعا ق ر سپورت باسپا ءسوزى قاۋىمداستىعىنىڭ قۇرمەتتى پرەزيدەنتى نەسىپ ءجۇنىسباي، اتاقتى بالۋان، وليمپيادا چەمپيونى جاقسىلىق ۇشكەمپىروۆ، الماتى قالالىق بوكس فەدەراتسياسىنىڭ پرەزيدەنتى امالبەك تشانوۆ جانە باسقا دا بەلگىلى تۇلعالار قاتىسادى.

سول كۇنى كەشكە الماتىدا «قازاق كونسەرت» زالىندا مۇستافا ءوزتۇرىكتى ەسكە الۋ كەشى وتەدى.

ايتا كەتەلىك، بەساعاش اۋىلىندا بۇدان 10 جىل بۇرىن مۇستافا وزتۇرىككە ەسكەرتكىش ورناتىلعان بولاتىن. ءبىراق ول كوپشىلىك كوڭىلىنەن شىقپادى. سوندىقتان، بەرتىن كەلە بۇل جەرگە جاڭا ەسكەرتكىش ورناتۋ شاراسى قولعا الىندى. ونى جۇزەگە اسىرۋعا الماتى قالالىق تايەكۆوندو (WTF) فەدەراتسياسىنىڭ پرەزيدەنتى سەرىك ابدۋللايەۆتىڭ اتسالىسقانىن ايتا كەتكەن ءجون.

 ەسكە سالا كەتسەك، مۇستافا ءوزتۇرىك 1954 - جىلى 23 - قاراشادا تۇركيانىڭ قايسەرى قالاسىنداعى مۇساحودجالى اۋىلىندا قازاق وتباسىندا دۇنيەگە كەلگەن. 1975 - جىلى تايبەي (تايۆان) قالاسىنداعى حالىقارالىق ساياسات ۋنيۆەرسيتەتىنە وقۋعا ءتۇسىپ، حالىقارالىق جۋرناليست ماماندىعىن تاڭداعان. 18 جاسىنان باستاپ تايەكۆوندومەن اينالىستى. مۇستافا 80- جىلدارى تۇركيادا جاتتىقتىرۋشى بولىپ جۇمىس ىستەدى. گەرمانيادا پوليتسيا قىزمەتكەرلەرىن جاتتىقتىردى.

1991-1992 - جىلدارى ول تۇركيا مەن گەرمانيادان الىپ كەلگەن سپورتشىلارمەن قازاقستاننىڭ بارلىق وبلىستارىن ارالادى. تايەكۆوندودان شوۋ- باعدارلامالار ۇيىمداستىردى. سول ارقىلى مۇستافا قازاقستانعا سپورتتىڭ وسى ءتۇرىن الا كەلدى. 1992 - جىلى قازاقستاننىڭ تايەكۆوندو قۇراماسىن جاساقتادى. وتانداستارىمىز تۇركيا، يتاليا، ا ق ش- تا وتكەن حالىقارالىق تۋرنيرلەرگە، كەيىن 1993 - جىلى تايەكۆوندودان وتكەن الەم چەمپيوناتىنا قاتىستى.

 مۇستافا ءوزتۇرىك 1995 - جىلى 40 جاسىندا، 15 - ناۋرىزدا الماتىدا كوز جۇمدى. اناسىنىڭ وتىنىشىمەن ىستامبۇلدا اكەسى جاتقان بەيىتكە جەرلەنگەن.

مۇستافا ءوزتۇرىكتىڭ 3 بالاسى بار. تۇڭعىشى نازىربەك 1981 - جىلى تۋعان. قالعان ەكەۋى قىز. ۇلكەنى نەسليحان، كىشىسى اسليحان.

اۆتور: جاپپاربەرگەن ايبوتا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى