جاڭا باعدارلاما اياسىندا پاتەرلەر ەڭ ءبىرىنشى كەزەكتە اكىمدىكتە كەزەكتە تۇرعاندارعا بەرىلەدى - ب. ساعىنتايەۆ
بۇل تۋرالى بۇگىن «قازاقستان-2050» دەموكراتيالىق كۇشتەردىڭ جالپى ۇلتتىق كواليتسياسىنىڭ وتىرىسىندا ق ر پرەمەر- ءمينيسترىنىڭ ءبىرىنشى ورىنباسارى باقىتجان ساعىنتايەۆ ءمالىم ەتتى.
«تۇرعىن ءۇي قۇرىلىسىنا 250 ميلليارد تەڭگە بولىنەدى. ءبىز بۇل قارجىعا شامامەن 1,5 ميلليون شارشى مەتر تۇرعىن ءۇي سالۋدى جوسپارلاۋدامىز. قازىرگى ۋاقىتتا ءبىز اتالعان قارىنىڭ قانداي كولەمى ساتىپ الىناتىن ۇيلەرگە، قانشا پايىزى جالدامالى ۇيلەرگە بولىنەتىن قاراستىرۋدامىز»، - دەدى ۇكىمەت باسشىسىنىڭ ءبىرىنشى ورىنباسارى.
ب. ساعىنتايەۆتىڭ اتاپ وتۋىنشە، جاڭا باعدارلاما اياسىندا سالىناتىن پاتەرلەر ەڭ ءبىرىنشى كەزەكتە اكىمدىكتەردە كەزەكتە تۇرعان ازاماتتارعا بەرىلەدى. بۇگىندە جەرگىلىكتى اتقارۋشى ورگانداردىڭ كەزەگىندە 300 مىڭ ادام تۇر. ونىڭ 376 سى - ۇلى وتان سوعىسىنىڭ ارداگەرلەرى، 43638 جەتىم بالالار مەن اتا- انالارىنىڭ قامقورلىعىنسىز قالعاندار، 130303 - حالىقتىڭ الەۋمەتتىك از قامتىلعان بولىگى، 124 مىڭى - بيۋدجەت سالاسىنىڭ، مەملەكەتتىك قىزمەتتىڭ، جانە اسكەري قىزمەتتىڭ قىزمەتكەرلەرى، 752 سى جالعىز باسپاناسى اپاتتى تانىلعان ازاماتتار.
«دەمەك، ءبىز باسپانالار قالاي بولىنەتىندىگىن، كىمدەر ۇمىتكەر بولا الاتىندىعىن ناقتىلاۋىمىز كەرەك. بۇعان قوسا، مەملەكەت باسشىسى اتاپ وتكەن جاستار دا بار. سوندىقتان دا بىزدە بۇل ماسەلەمەن كۇندە اينالىسىپ جاتىرمىز. ويتكەنى، ءبىزدىڭ ەش ۋاقىتىمىز جوق. مەملەكەت باسشىسى 1 - قاڭتاردان قۇرىلىستاردىڭ باستالۋىن تالاپ ەتتى جانە ءبىز جىلدىڭ سوڭىندا العاشقى پاتەرلەردى بەرۋىمىز قاجەت»، - دەدى ب. ساعىنتايەۆ.
«قازىرگى ۋاقىتتا بىزدەر تۇرعىن سالۋدىڭ جاڭا مەحانيزمدەرىن ازىرلەۋدەمىز. باعدارلاماعا سايكەسىنشە وزگەرتۋلەر جەلتوقسان ايىندا ەنگىزىلەدى. ال 2015 - جىلدىڭ 1- قاڭتارىنان ەلىمىزدىڭ بارلىق وڭىرىندە جاڭا تۇرعىن ءۇي باعدارلاماسى بويىنشا ۇيلەردىڭ قۇرىلىسى باستالادى»، - دەدى ول.
ب. ساعىنتايەۆتىڭ اتاپ وتۋىنشە، جالدامالى تۇرعىن ءۇي قۇرىلىسى جۇرگىزىلەتىن اۋداندارعا ينجەنەرلىك جەلىلەر تارتۋ جانە قۇرىلىستى جوبالاۋعا 35 ميلليارد تەڭگە بولىنەدى. سونىمەن قاتار جالدامالى تۇرعىن ءۇي قۇرىلىسى ءۇشىن «بايتەرەك» حولدينگىنە 0,1 پايىزدىق ستاۆكامەن 30 جىلعا 145 ميلليارد تەڭگە ءبولۋ جوسپارلانىپ وتىر.
«جالدامالى تۇرعىن ءۇي قۇرىلىسى باعدارلاماسىنىڭ وپەراتورى «قازاقساننىڭ يپوتەكالىق كومپانياى» ا ق بولادى. قوسىمشا 1 ميلليون شارشى مەتر تۇرعىن ءۇي سالىنادى»، - دەدى ۇكىمەت باسشىسىنىڭ ءبىرىنشى ورىنباسارى.
ونىڭ ايتۋىنشا، تۇرعىن ءۇي قۇرىلىسىنا ۇلتتىق قوردان بولىنەتىن 145 ميلليارد تەڭگەدەن بولەك تە قارجى قاراستىرىلادى. اتاپ ايتقاندا، 2013-2014 - جىلدارعا ارنالعان «قولجەتىمدى باسپانا - 2020» باعدارلاماسىنا 29 ميلليارد تەڭگەدەن استام قارجى قاراستىرىلعان بولسا، قازاقستاننىڭ يپوتەكالىق كومپانياسى قور نارىعىندا 2017-2019 - جىلدارعا ارنالعان 50 ميلليارد تەڭگە سوماسىنداعى وبليگاتسيالاردى ورنالاستىرادى. بۇدان بولەك، باسقا دا قارجى كوزدەرىن باسپانا قۇرىلىسىنا 25,8 ميلليارد تەڭگە تارتىلادى.
«ناتيجەسىندە تۇرعىن ءۇي قۇرىلىسىنا سالىناتىن قارجىنىڭ جالپى كولەمى 250 ميلليارد تەڭگەنى قۇرايدى»، - دەدى ب. ساعىنتايەۆ.
اۆتور: مارلان جيەمباي
