قىزىلوردادا كەلىندەر سايىسى ءوتتى

 بۇل تۋرالى اۋدان اكىمىنىڭ باسپا ءسوز قىزمەتى حابارلادى.

 قازاقتىڭ ادەت- عۇرپىن قۇرمەتتەپ، سالت- ءداستۇرىن بەرىك ۇستانعان يناباتتى، يبالى قازاق كەلىنىن دارىپتەۋ ماقساتىندا ۇيىمداستىرىلعان سايىسقا شالقيا كەنتى مەن قۇتتىقوجا اۋىلىنان ەڭ شەبەر، پىسىق، سىمباتتى دەگەن 6 كەلىن قاتىسىپ، باقتارىن سىنادى. قاتىسۋشىلار بايقاۋ شارتتارى بويىنشا الدىمەن وزدەرىن تانىستىرىپ ءوتىپ، قازاقتىڭ سالت- ءداستۇرى، ادەت- عۇرىپ جايىندا قويىلعان ساۋالدارعا جاۋاپ بەردى. مۇنان سوڭ، وزدەرى جاساعان قولونەر بۇيىمدارىن قازىلار القاسىنا ۇسىنىپ، ۇلتتىق كيىم ۇلگىلەرىن كورسەتتى.

ءسانى مەن سالتاناتى جاراسقان كەلىندەر سايىسىندا قازىلار القاسىن اق جاۋلىقتى اجەلەر قۇرادى. باسەكە سوڭىندا ۇزدىك دەپ تانىلعان كەلىندەر ءتۇرلى اتالىمدار بويىنشا ماراپاتتالىپ، ولارعا سىي- سياپاتتار تابىس ەتىلدى.

 اۆتور: ەلۋباي اۋەزوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى