قىتايدىڭ ۇزدىك كومپانياسى قازاقستانمەن بىرلەسكەن كاسىپورىن اشپاق - فوتو
قازاقستان سوفتەرلىك كومپانيالار قاۋىمداستىعىنىڭ پرەزيدەنتى ازاماتحان امىرتايەۆتىڭ ايتۋىنشا، قىتايدىڭ Inspur كومپانياسى قازاقستانمەن بىرلەسە وتىرىپ، سەرۆەرلەر مەن ءتۇرلى كومپيۋتەرلىك تەحنولوگيالار وندىرەتىن كاسىپورىن اشۋدى جوسپارلاپ وتىر.
«بۇگىنگى كۇندە قازاقستاننىڭ ІТ نارىعى 1,5 ميلليارد دوللاردى قۇرايدى. وسى نارىققا دۇنيەجۇزىلىك كومپانيالار كىرىپ، قازاقستاندا ساۋدا- ساتتىق جاساپ جاتىر. ءبىز بارلىق كومپانيالارمەن قازاقستاندا ءونىم شىعارۋ جايىندا كوپتەگەن كەلىسسوزدەر جۇرگىزدىك. وسى باستاماعا قىتايلىق Inspur كومپانياسى كەلىسىپ، ارىپتەستك قارىم- قاتىناس ورناتۋعا مۇددەلىلىك تانىتىپ وتىر» ، - دەپ اتاپ ءوتتى ول.
ا. امىرتايەۆتىڭ ايتۋىنشا، اتالعان كومپانيانىڭ ۆەنەسۋەلادا جاساعان وسىنداي تاجىريبەسى بار. ولار سول ەلدە كومپانيا اشىپ، بۇگىندە بارلىق وڭتۇستىك امەريكا نارىعىن ءىت تەحنولوگيالارمەن قامتاماسىز ەتىپ وتىر.
«ءبىز دە وسى كاسىپورىن ارقىلى ءوز نارىعىمىزدى تولىق قامتىپ، بولاشاقتا رەسەي نارىعىنا شىعۋدى جوسپارلاپ وتىرمىز. جوبانىڭ باستاپقى ينۆەستيتسياسى 1 ميلليون دوللار بولادى. وعان قازاقستاندىق ماماندار تارتىلىپ، العاشىندا ІТ- ونىمدەردى قۇراستىرۋدان باستاپ، كەيىننەن ءوز كۇشىمىزبەن وندىرۋگە دەيىن جەتكىزەمىز» ، - دەيدى قاۋىمداستىق پرەزيدەنتى.
ايتا كەتەيىك، Inspur كومپانياسى قىتاي نارىعىندا سەرۆەرلەر ساتۋ كولەمى بويىنشا ءبىرىنشى ورىندا، ال الەم بويىنشا 5- ورىندى ۇستاپ تۇرعان ءىرى كومپانيا. اتالعان كومپانيانىڭ تيانحە-2 دەپ اتالاتىن سۋپەركومپيۋتەرى الەم بويىنشا ەڭ كۇشتى سۋپەركومپيۋتەرلەردىڭ ۇزدىك 500 دىگى اراسىندا ءبىرىنشى ورىندا تۇر.
كورپوراتسيانىڭ مالىمەتىنشە، ولار جۋىق ارادا استانا مەن الماتى قالالارىندا اكىمشىلىك جانە ساۋدا كەڭسەلەرىن اشۋدى جوسپارلاۋدا. سونداي- اق، 15 ميلليون دولار ينۆەستيتسيامەن قازاقستان نارىعىندا قۇرىلعىلار وندىرەتىن كاسىپورىن اشۋ بويىنشا سەرىكتەس تابۋدى دا ماقسات ەتىپ وتىر. وسى ارقىلى قازاقستاندىق ينجەنەرلەر ءۇشىن جۇمىس ورىندارىن اشىپ، الداعى 5 جىلدا قازاقستاننىڭ ІТ نارىعىنا دەندەپ ەندۋدى كوزدەيدى. سونىمەن قاتار، كومپانيا وكىلدەرى «G- Cloud» «SmartCityAstana» سىندى ءىرى مەملەكەتتىك جوبالاردى جۇزەگە اسىرىسۋعا دا مۇددەلى. 
