ەلباسى چەحيا جانە وزبەكستان پرەزيدەنتتەرىمەن كەزدەسەدى
قازاقستان پرەزيدەنتى 24 - قاراشادا ەلىمىزگە رەسمي ساپارمەن كەلەتىن چەحيا پرەزيدەنتى ميلوش زەمانمەن كەزدەسەدى دەپ جوسپارلانىپ وتىر.
ساپار ساۋدا-ەكونوميكالىق، كولىك-ترانزيتتىك، اۋىل شارۋاشىلىعى جانە مادەني-گۋمانيتارلىق سالالارداعى ەكىجاقتى ءوزارا ىقپالداستىقتى نىعايتۋعا قوسىمشا سەرپىن بەرەدى دەپ كۇتىلۋدە.
سونىمەن قاتار ماشينا جاساۋ، ەنەرگەتيكا جانە تۋريزم سالالارىنداعى ىنتىماقتاستىقتىڭ بولاشاعى زور.
بۇعان قوسا، 25 - قاراشادا قازاقستانعا وزبەكستان رەسپۋبليكاسىنىڭ پرەزيدەنتى يسلام كاريموۆ رەسمي ساپارمەن كەلەدى، ساپار اياسىندا جوعارى دەڭگەيدەگى ەكىجاقتى كەزدەسۋلەر وتەدى.
ەكى ەلدىڭ كوشباسشىلارى قازاقستان پرەزيدەنتىنىڭ 2013 - جىلى ماۋسىمداعى وزبەكستانعا بارعان ساپارىندا جاسالعان ۋاعدالاستىقتاردىڭ جۇزەگە اسۋ بارىسىن تالقىلايتىن بولادى.
نۇرسۇلتان نازاربايەۆ پەن يسلام كاريموۆ ساۋدا-ەكونوميكالىق، سۋ-ەنەرگەتيكالىق، كولىك جانە مادەني-گۋمانيتارلىق سالالارداعى ءوزارا ءىس-قيمىلدىڭ باسىمدىعى بار باعىتتارىن قاراستىرادى.
