باقىت سارسەكبايەۆتىڭ سوتتا جەڭىلىپ، پاتەر باپكەرىنىڭ يەلىگىندە قالدىرىلدى
ەكەۋى اتالعان باسپاناعا بايلانىستى بىرنەشە سوت ينستانسياسىنان دا وتكەن بولاتىن.
ەندى كەشە جوعارعى سوت بۇل ىسكە سوڭعى نۇكتەنى قويىپ، پاتەردى ماحمۋدوۆتىڭ يەلىگىندە قالدىردى دەپ جازادى "ۆرەميا" گازەتى.
داۋدىڭ باسى بەيجىڭ وليمپياداسىنان كەيىن باستالدى. ەلگە ۇلكەن جەڭىسپەن ورالعان سارسەكبايەۆقا دەمەۋشىلەرى ءبىر ەمەس ءتورت بىردەي پاتەردىڭ كىلتىن ۇستاتقان. ال، ونى وسىناۋ ۇلكەن جارىسقا دايىنداعان باپكەرى بولسا ەلەۋسىز قالىپتى. سول ساتتە باقىت جاتتىقتىرۋشىسىنا ءتورت پاتەردىڭ ءبىرىن سىيعا بەرگەن بولاتىن. دەگەنمەن، اراعا بەس جىل سالىپ سپورتشى باپكەرىنەن باسپانانى كەرى قايتارۋىن تالاپ ەتتى.
وسىلاي باستالعان داۋعا جوعارعى سوت كەشەگى سەيسەنبىدە نۇكتە قويدى. العاشىندا استاناداعى اۋداندىق سوتتىڭ شەشىمى ءىستى ماحمۋدوۆتىڭ پايداسىنا شەشكەن بولاتىن. الايدا، كاسساتسيالىق سوتتا سارسەكبايەۆ جەڭىپ شىقتى. مۇنان كەيىن تاراپتار امالسىز جوعارعى سوتتىڭ قۇزىرىنا جۇگىنگەن.
Baq.kz
