رەسمي تۇردە «استانا ارلاندارى» كلۋبىنىڭ باسشىسى سايلاندى
بۇل شەشىمدى «استانا ارلاندارى» كلۋبىنىڭ كەڭەسى شىعاردى. لوندون وليمپياداسىنىڭ چەمپيونى سەرىك ساپيەۆ جاڭا قىزمەتىنە وسى جىلى ۇلى بريتانياداعى وقۋىن بىتىرگەن سوڭ كىرىسەتىن بولادى. وسىعان دەيىن Vesti.kz سپورت باسىلىمىنا بەرگەن سۇحباتىندا ساپيەۆ وزىنە ارتىلعان ءۇمىتتى اقتاپ شىعۋعا ۋادە بەرگەن ەدى.
«ماعان مۇنداي ماڭىزدى ءارى قىزىق جۇمىستى تاپسىرىلعانى ءۇشىن قۋانىشتىمىن. قازاقستان سپورتىنا پايدام تيەدى دەگەن ۇمىتتەمىن جانە بوكستىڭ دامۋىنا ءوز ۇلەسىمدى قوسا الامىن دەپ ويلايمىن. سەنىمدى اقتاۋعا تىرىسامىن»، - دەدى ساپيەۆ ءوزىنىڭ تاعايىندالۋى جايلى پىكىر بىلدىرە وتىرىپ. وعان دەيىن كوماندانى بولات مانكەنوۆ باسقاردى، ول مۇنىڭ الدىندا وتستاۆكاعا كەتكەن ەدى.
مارات جاكيەۆ بولسا، مانكەنوۆتان كەيىن قىزمەتتەن كەتكەن ۋكراينالىق مامان سەرگەي كورچينسكيدىڭ ورنىنا كەلدى. ايتا كەتەيىك، جاكيەۆ ك س ر و سپورت شەبەرى، ك س ر و قۇراماسىنىڭ مۇشەسى بولدى، ال بوكستاعى مانسابىن اياقتاعان سوڭ باپكەرلىك قىزمەت اتقاردى. «استانا ارلاندارى» كلۋبىنا تاعايىندالۋىنىڭ الدىندا ول لوندون وليمپياداسىنىڭ كۇمىس جۇلدەگەرى جانە وسى جىلى وتكەن ازيا ويىندارىنىڭ چەمپيونى ادىلبەك نيازىمبەتوۆتىڭ جەكە باپكەرى بولدى.
