قىتايدىڭ مەملەكەتتىك كەڭەسىنىڭ پرەمەرى لي كى شياڭ جەلتوقساندا قازاقستانعا كەلەدى

«قىتاي الەمدەگى ەڭ ءىرى ينۆەستورلاردىڭ ءبىرى، ەلىمىزدە ينۆەستورلاردى ىنتالاندىرۋدىڭ جاڭا پاكەتى ەنگىزىلگەننەن كەيىن قىتاي قازاقستانداعى ينۆەستيتسيالىق قىزمەتتى ايتارلىقتاي جانداندىرادى دەپ كۇتەمىز»، - دەدى ۆەدومستۆو باسشىسى ەربولات دوسايەۆ قىتاي حالىق رەسپۋبليكاسىنىڭ كوممەرتسيا جونىندەگى ۆيتسە-ءمينيسترى (ءمينيستردىڭ كومەكشىسى) داوچي تۋنمەن كەزدەسۋىندە.

«قىتاي قازاقستاننىڭ جاقىن كورشىسى ءارى ستراتەگيالىق ماڭىزدى ساۋدا-ەكونوميكالىق سەرىكتەسى. ءبىزدىڭ ولارمەن دوستىق جانە ساياسي وداقتاستىق بايلانىسىمىز بار»، - دەدى دوسايەۆ.

قوس تاراپ ق ح ر مەملەكەتتىك كەڭەسىنىڭ پرەمەرى لي كى شياڭنىڭ الداعى جەلتوقسان ايىندا قازاقستانعا ساپارى تۋرالى تالقىلادى.

ۇلتتىق ەكونوميكا مينيسترلىگى باسپا ءسوز قىزمەتىنىڭ اقپاراتىنا قاراعاندا، 2014-جىلدىڭ قاڭتارى مەن قىركۇيەك ايلارىندا قازاقستان مەن قىتاي اراسىنداعى تاۋار اينالىمى 13,3 ميلليارد دوللاردى قۇراعان. 2005-جىلدىڭ ءبىرىنشى جارتىجىلدىعى مەن 2014-جىلدارى قازاقستانعا تىكەلەي قىتايدان كەلگەن ينۆەستيتسيالىق ءتۇسىم 11,8 ميلليارد دوللار بولعان. ينۆەستيتسيا نەگىزى قۇرىلىس، كەن ءوندىرۋ، مۇناي-گاز سالالارىنا تارتىلدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى