الەمنىڭ ۇزدىك بوكسشىلارى استانادا سايىسقا تۇسەدى
APB 2014 جوباسىندا سونداي-اق برازيليا استاناسى ريو- دە- جانەيروداعى وليمپيادالىق ويىندار-2016 عا جولدامالار ساراپقا سالىنادى.
«APB ۇرىستارىنىڭ ءبىرىنشى كەزەڭى الەمنىڭ 10 ەلىندە ويداعىداي باستالدى جانە جوعارى دەڭگەيدە ۇيىمداستىرىلدى. ەرتەڭ استانادا Ⅱ كەزەڭ وتەدى، ال Ⅲجانە IV كەزەڭدەردەن كەيىن ءار سالماق ساناتىنداعى چەمپيوندار مەن جۇلدەگەرلەردى انىقتايتىن بولامىز. ءبىزدىڭ بوكسشىلارىمىز تاڭەرتەڭ مەديتسينالىق كوميسسيادان ءوتتى جانە ەرتەڭگى سايىسقا ءازىر ەكەندىكتەرىن قۋاتتادى. ماتچتا ريو- دە- جانەيرودا 2016 - جىلى وتەتىن وليمپيادالىق ويىندارعا جولدامالار ساراپقا سالىنادى»، - دەدى APB سۋپەرۆايزەرى لۋيز بازەللي سپورتشىلاردى ولشەۋ راسىمىنە وراي باسپا ءسوز ءماسليحاتىندا.
APB ماتچى اتاقتى بوكسشىلاردى AIBA قامقورشىلىعىمەن كاسىبي رينگتە سپورتتىق مانسابىن جالعاستىرۋ مۇمكىندىگىمەن وزىنە تارتادى، سونىمەن قاتار ولاردىڭ وليمپيادالىق ويىندارعا قاتىسۋ قۇقىعىن ساقتايدى.
وسى سايىستا ليسەنزيا الۋعا سپورتتىق ساتتىلىگىن سىناۋ مۇمكىندىگىنە قازاقستاندىق بوكسشى بەرىك ءابدىراحمانوۆ تا قاتىسادى، ول فيليپپيندىك قارسىلاسى چارلي سۋارەزبەن 6 راۋندتىق جەكپە-جەك وتكىزەدى.
«بۇگىن قازاقستان 60 كەلى سالماق ساناتىندا الەمنىڭ ۇزدىك بوكسشىلارىنىڭ باسىن قوسىپ وتىر. ءبىزدىڭ سپورت الەمىندەگى ۇلكەن دەڭگەيگە شىعۋىمىز ەلىمىزدىڭ پرەزيدەنتى ن. نازاربايەۆتىڭ قولداۋى مەن قازاقستاننىڭ بوكس فەدەراتسياسىنىڭ پرەزيدەنتى ت. ق ۇلىبايەۆتىڭ باستاماسى ارقاسىندا بولدى. وسىعان بايلانىستى ولارعا زور العىسىمىزدى بىلدىرەمىز. مۇنداي تۋرنيردە جەڭىپ شىعىپ، APB چەمپيونى اتاعىن يەلەنۋ ءار سپورتشىنىڭ جانە جاتتىقتىرۋشىنىڭ ارمانى»، - دەدى م. ايتجانوۆ.
ەسكە سالا كەتەيىك، 2014 - جىلى باستالعان AIBA Pro Boxing جوباسى 2016 - جىلعى ريو- دە- جانەيرودا وتەتىن وليمپيادالىق ويىندارعا جولدامالار ساراپقا سالىناتىن AIBA - نىڭ ءۇشىنشى نەگىزگى باعىتى، ال 2020 - جىلعى وليمپياداعا APB ارقىلى ەڭ كوپ ليتسەنزيالار بەرىلەدى. ماتچتار كاسىبي بوكس ەرەجەلەرىنە سايكەس 6 دان 12 راۋندقا دەيىن وتكىزىلەدى.
قازاقستاندا بۇل جوبا قازاقستاندىق بوكس فەدەراتسياسىنىڭ تىكەلەي قاتىسۋىمەن جاسالدى، ونىڭ باسشىسى ت. قۇلىبايەۆ APB بويىنشا AIBA ۆيتسە-پرەزيدەنتى.
