پاۆلوداردا ەكى جاڭا شاعىناۋدان سالىنادى
سونداي-اق جيىندا شاعىن جانە ورتا بيزنەستىڭ جاڭا سۋبەكتىلەرىن ەنگىزۋگە قولداۋ كورسەتۋ ماقساتىندا سولتۇستىك ونەركاسىپتىك اۋداندا يندۋستريالدى ايماق قۇرۋ جۇمىسى ءجۇرىپ جاتقانى اتاپ ءوتىلدى. كاسىپكەرلەرگە وتاندىق جانە شەتەلدىك وزىق تەحنولوگيالاردى قولدانۋمەن يننوۆاتسيالىق ونىمدەر شىعارۋ ءۇشىن عيماراتتان ءۇي-جايلار ۇسىنىلاتىن بولادى.
- بۇگىنگى تاڭدا ءۇ ي ي د باعدارلاماسىنىڭ ەكىنشى بەسجىلدىعى اياسىندا ينۆەستيتسيا كولەمى 1 تريلليون تەڭگە بولاتىن 19 جوبا قالىپتاستى. 2014-2016-جىلدارى «پاۆلودار» ارنايى ەكونوميكالىق ايماق ينفراقۇرىلىمىنىڭ قۇرىلىسىنا 28 ميلليارد تەڭگە ءبولىندى، سونىڭ ىشىندە اعىمداعى جىلى 3,5 ميلليارد تەڭگە. ونىڭ ۇستىنە بيۋجەتتىڭ وسى 3,5 ميلليارد تەڭگەسىنە جەكە ينۆەستيتسيانىڭ 40 ميلليارد تەڭگەسى كەلەدى. قاجەتتى ينفراقۇرىلىم (كەدەندىك تەرمينال، سۋمەن قامتاماسىز ەتۋ نىساندارى، ەلەكتر قۋاتى، تەمىرجول، اۋماقتىڭ قورشاۋى جانە ت. ب.) ءۇشىن قۇرىلىس جۇمىستارى باستالىپ كەتكەن. ا ە ا اۋماعىندا ينۆەستيتسيا كولەمى 17 ميلليارد تەڭگە بولاتىن 3 كاسىپورىن ىسكە قوسىلدى. جىل اياعىنا دەيىن سوماسى 23 ميلليارد تەڭگە بولاتىن تاعى دا 3 كاسىپورىن پايدالانۋعا بەرىلەدى، - دەدى ايماق باسشىسى قانات بوزىمبايەۆ.
2015-جىلى ت ك ش جانە سۋ مەن جىلۋ جۇيەسى ينفراقۇرىلىمىن جاڭعىرتۋ اياسىندا 2,5 ميلليارد تەڭگە سوماسىنا جوبالاردى ىسكە اسىرۋ جوسپارلانعان.
- ءبىز قۇرىلىسقا بايلانىستى جوسپارلانعان شاعىناۋداندار سالۋعا كوشەمىز. وسى شاعىناۋدانداردا تۇرعىن ۇيلەر مەن الەۋمەتتىك وبەكتىلەر بولادى. ولارعا قاجەتتى جىلۋ، سۋ، كارىز جۇيەسى مەن ەلەكتر قۋاتى قورى دا ەسكەرىلەدى. وسى كۇنگە دەيىن تۇرعىن ۇيلەر قۇرىلىسى تەك ۋسولكا شاعىناۋدانىندا عانا جۇرگەن ەدى. الدا ءبىز سارى ارقا جانە دوستىق اتتى جاڭا 2 شاعىن اۋداندى سالا باستايمىز. كەلەسى جىلى وبلىس ورتالىعىندا 10 كوپ قاباتتى ءۇي سالىنادى. ونىڭ تورتەۋى باسپانا كەزەگىندە تۇرعاندار ءۇشىن جالدامالى ۇيلەر، التاۋى نەسيە ارقىلى بەرىلەتىن ءۇي بولسا، سونىڭ تورتەۋى جاس وتباسىلار ءۇشىن سالىنباق، - دەدى وبلىس اكىمى.
اكتيۆ جۇمىسىن قورىتىندىلاي كەلە وبلىس اكىمى ءبىرقاتار ناقتى تاپسىرمالار بەرىپ، ەلباسى جولداۋىن ىسكە اسىرۋ جونىندەگى وبلىستىق ءىس-شارالار جوسپارىن ازىرلەۋدى جۇكتەدى.
