پولكوۆنيك سەرىك سۇلتانعابيەۆتىڭ بەتى بەرى قاراپ كەلەدى

بۇل تۋرالى رەسەي ىشكى ىستەر مينيستىرلىگى باس اسكەري كلينيكالىق گوسپيتالى وكىلدەرىنە سىلتەمە جاساپ، Tengrinews.kz حابارلايدى.

دارىگەرلەردىڭ ايتۋىنشا، اسكەريدىڭ جاعدايى قالپىنا ءتۇسىپ كەلەدى. «ساۋىعۋ پروسەسى ءجۇرىپ جاتىر. ءبارى جوسپار بويىنشا. ول ەسىن جيدى، سويلەسەدى، بىرتىندەپ اياعىنان تۇرىپ كەلەدى. دارىگەرلەر وعان وپەراتسيا قاجەت بولا ما، سونى انىقتاۋى ءۇشىن كەلەسى اپتادا كونسيليۋم بولۋى كەرەك. ونىڭ ومىرىنە ەشقانداي قاۋىپ ءتونىپ تۇرعان جوق»، - دەدى گوسپيتال ماماندارى.

 ساۋىققاننان كەيىن سەرىك سۇلتانعابيەۆ اسكەري قىزمەتكە جارامدى بولا ما، جوق پا، ول جاعى ازىرشە بەلگىسىز. «ءبىز سەرىك عازيز ۇلى جازىلىپ كەتۋى ءۇشىن قولدان كەلگەننىڭ ءبارىن جاسايمىز»، - دەدى اۋرۋحانا وكىلدەرى.

 ەسكە سالا كەتەيىك، 25 - قىركۇيەك كۇنى سۆەردلوۆ وبلىسىنداعى پوليگوندا گراناتا جارىلعان ەدى. وقۋ- جاتتىعۋ شاراسى كەزىندە كىشى سەرجانت قولىنان گراناتاسىن ءتۇسىرىپ الدى. سەرىك سۇلتانعابيەۆ العاشقى سەكۋندتاردا- اق اسكەري قىزمەتشىنى يتەرىپ جىبەرىپ، گراناتانى كەۋدەسىمەن بۇركەمەلەدى، ول جارىقشاقتان اۋىر جاراقات الدى. كىشى سەرجانت زارداپ شەككەن جوق. تەرگەۋشىلەر وعان قاتىستى قىلمىستىق ءىس قوزعادى. سۇلتانعابيەۆ تىكۇشاقپەن اۋرۋحاناعا جەتكىزىلدى. بيلىك وكىلدەرى ونى ەكى ناگراداعا ۇسىنعالى وتىر - ەرلىك وردەنى جانە «سپەشيتە دەلات دوبرو» مەدالى.
 
www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى