ق ر پرەزيدەنتىنىڭ جولداۋىن اراب الەمىندە كەڭىنەن تالقىلاپ جاتىر

اتاپ ايتقاندا، ءب ا ءا- ءنىڭ WAM اقپارات اگەنتتىگى (Emirates News Agency) جولداۋدىڭ اراب تىلىندەگى ءماتىنىن تاراتىپ، تاۋەلسىز مەملەكەت ورناعان كۇننەن باستاپ قازاقستاننىڭ تۇڭعىش پرەزيدەنتى جۇرگىزىپ وتىرعان كورەگەن ءارى تەڭگەرىمدى ەكونوميكالىق، سىرتقى ساياسي جانە كونفەسسياارالىق ساياساتتى جوعارى باعالادى، دەپ حابارلايدى ق ر س ءى م باسپا ءسوز قىزمەتى.

بىرىككەن اراب امىرلىكتەرىنىڭ « ءال- يتتيحاد» («وداق» ) فەدەرالدىق رەسمي گازەتى «قازاقستان پرەزيدەنتى مەملەكەتتىڭ ودان ءارى دامۋىنا باعىتتالعان جاڭا باستامالارعا شاقىرادى» دەگەن ماقالا جاريالادى. اتالعان ماقالادا قازاقستان باسشىسى نۇرسۇلتان نازاربايەۆ ءوزىنىڭ حالقىنا ارنالعان جولداۋدا گەوساياسي قىسىم مەن الەمدىك نارىقتاردا داعدارىستاردىڭ ورشىگەن جاعدايدا ىشكى، ايماقتىق جانە حالىقارالىق اسپەكتىلەردى اشىق تۇردە قوزعاپ وتىرعان كورەگەن ستراتەگ رەتىندە سيپاتتالدى. سونىمەن قاتار، باسىلىم اتاپ وتكەندەي، قازاقستان پرەزيدەنتى شىنايى كوشباسشى بولا تۇرىپ، ءوسىپ بارا جاتقان تۇرلاۋسىزدىق جاعدايىندا قازاقستاندىقتاردىڭ ءال- اۋقاتىن ارتتىرۋ مەن حالىقارالىق قاۋىپسىزدىكتى نىعايتۋ ماقساتىندا دۇرىس شەشىمدەر قابىلداۋدا جانە الداعى جىلدارعا ەل ەكونوميكاسىنىڭ قارقىندى ءوسۋ كوكجيەكتەرىن ءدال بەلگىلەۋدە.

ەلدىڭ تاعى ءبىر جەتەكشى باسىلىمى - « ءال- بايان» («جارشى» ) گازەتى دوستاس قازاقستاننىڭ دامۋىنداعى جاڭا كەزەڭنىڭ بەلگىسى بولىپ سانالاتىن 2015 - جىلعا ارنالعان قۇجاتتىڭ الەۋمەتتىك- ەكونوميكالىق باعىتىنا ەرەكشە نازار اۋداردى.

دۋباي امىرلىگىنىڭ رەسمي باسىلىمى مەملەكەت باسشىسىنىڭ «جاڭا ەكونوميكالىق ساياساتقا سايكەس، كولىك جەلىسى مەن ينفراقۇرىلىمدى دامىتۋعا، اتاپ ايتقاندا جاڭا اۆتوموبيل، تەمىر جول مەن اۋە ماگيسترالدارىن سالۋعا ەرەكشە كوڭىل بولىنەدى» دەگەن ءسوزىن كەلتىرە وتىرىپ، ۇتىمدى شەشىمنىڭ ستراتەگيالىق تەرەڭدىگىن اتاپ ءوتتى. «ءال- بايان» گازەتى ءوز وقىرماندارىنىڭ نازارىن قازاقستان ودان ءارى ترانزيتتىك ينفراقۇرىلىمنىڭ الەمدىك جەلىسىنە قوسىلىپ، الەمدىك گەوەكونوميكانىڭ ماڭىزدى مۇشەسىنە اينالاتىندىعىنا اۋداردى. 

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى