حالىقارالىق سۇلۋلار سايىسىنىڭ جەڭىمپازى انىقتالدى - فوتو
ەڭ العاش Miss International كونكۋرسى 1960-جىلى كاليفورنيادا باستاۋ الىپ، كەيىن 1972-جىلدان بەرى جاپونيادا جالعاسىن تاۋىپ كەلەدى. سايىستىڭ باستى ماقساتى، ارۋلاردىڭ سىمباتىن، كوركىن باعالاۋ بولسا دا، «ميسس» اتاعىن الۋ ءۇشىن جانىنىڭ تازالىعى مەن كوركەم مىنەزى دە ەسكەرىلەدى. بۇل سايىستىڭ ناتيجەسى بويىنشا، سۇلۋلاردىڭ وتانى رەتىندە ۆەنەسۋەلا رەسپۋبليكاسى تانىلعان.
ەلۋ ءتورت جىلدا بۇل ەلدىڭ سۇلۋلارى 6 مارتە جەڭىمپاز اتانعان. ەكىنشى ورىندا - ءتورت رەت «ميسس» اتانعان فيليپپين قىزدارى. ال قازاقستاننان بۇل دوداعا قاتىسۋعا ءالى ەشكىم تىلەك بىلدىرمەگەن ەكەن. بيىلعى جىلدىڭ سۇلۋى اتاعىنا پۋەرتو-ريكودان كەلگەن مودەل ۆالەري ەرناندەز لايىق دەپ تانىلدى. پۋەرتوريكالىق قىزداردىڭ بۇل - ەكىنشى جەڭىسى. ۆالەري 2012-جىلى Miss Teen International اتانىپ، 2014-جىلى «الەمدەگى ەڭ سۇلۋ ارۋ» ەكەنىن مويىنداتتى.
