رەسەي قازاقستانعا بىرلەسكەن استىق حولدينگىن قۇرۋدى ۇسىنادى - ا. مامىتبەكوۆ
«رەسەي تاراپىنان ءتۇرلى ۇسىنىستار بولدى، سونىڭ ىشىندە بىرلەسكەن استىق حولدينگىن قۇرۋ تۋرالى ۇسىنىس تا جاسالدى.
ءبىز بۇنى مۇمكىن بولاتىن قادام دەپ ەسەپتەيمىز. ءتىپتى، رەسەيدىڭ كوپتەگەن وڭىرلەرى استىقتى وزدەرىنىڭ سولتۇستىك وڭىرلەرىنەن كراسنودار ولكەسىنەن، ستاۆروپولدان تاسىمالداپ، زور شىعىنعا باتىپ جاتاتىنىن ەسكەرسەك، وندا بۇل باعىتتا ءبىز ءۇشىن بەلگىلى ءبىر پايدالى تۇستار بار دەپ ەسەپتەۋگە بولادى»، دەدى اسىلجان مامىتبەكوۆ. بۇل رەتتە مينيستر رەسەيمەن كەلىسە وتىرىپ، سۆوپ- وپەراتسيالاردى جولعا قويۋعا بولاتىنىن دا العا تارتادى. سونىڭ ىشىندە، ماسكەۋ مەن سانكت- پەتەربور نارىقتارىنىڭ ءوزى قازاقستاندىق تۇتىنۋ نارىعىمەن تەڭدەي ەكەنىن ەسكە سالادى مينيستر.
«وسىنى ەسكەرسەك، ءبىز دە الىسقا تاسىمالداعاننان گورى رەسەيگە ءوزىمىزدىڭ استىقتى ۇسىنىپ، سونىڭ ورنىنا رەسەيدىڭ استىعىن قارا تەڭىزگە جاقىن اۋداننان الا سالاتىن ەدىك. بۇلاي ىستەسەك كولىك شىعىنى دا وڭتايلى بولاتىن ەدى. ءبىز رەسەيدەگى اۋىل شارۋاشىلىعى مينيسترلىگىنە وسىنى ۇسىندىق»، - دەدى ا. مامىتبەكوۆ.
توقتالا كەتەتىن جايت، ءمينيستردىڭ ايتۋىنشا، قازاقستاندىق بيدايدى قارا تەڭىز بەن بالتىق تەڭىزىنە قاراي تاسىمالداۋدىڭ كولىكتىك شىعىنى تونناسىنا ءجۇز دوللاردان اسىپ وتىر.
اۆتور: قانات مامەتقازى ۇلى
