قازاقستاننىڭ ءبىرقاتار ايماقتارىندا جەل ەلەكتر ستانسالارى سالىنباق
الماتى وبلىسىنىڭ شەلەك ءدالىزى مەن جوڭعار قاقپالارىندا اقمولا وبلىسىنىڭ ەرەيمەنتاۋ اۋدانىندا، قوستاناي وبلىسىنىڭ ارقالىق قالاسىنىڭ ماڭىندا، ش ق و-نىڭ ۇلان اۋدانىندا جانە جامبىل وبلىسىنىڭ قورداي اۋدانىندا جەل ەلەكتر ستانسالارى سالىنادى دەپ جوسپارلانىپ وتىر.
بۇگىنگى تاڭدا جاڭعىرتىلعان ەنەرگەتيكالىق رەسۋرستاردى پايدالانۋ ەلەكتر ەنەرگەتيكاسىن دامىتۋدىڭ باسىم باعىتتارىنىڭ ءبىرى جانە قازاقستاننىڭ ەكولوگيالىق ماسەلەلەرىن شەشۋ جولى بولىپ وتىر. ساراپشىلاردىڭ باعالاۋىنشا، قازاقستاندا جاڭعىرتىلعان ەنەرگەتيكا رەسۋرستارىنىڭ الەۋەتى ايتارلىقتاي ماڭىزدى جانە ول 1 تريلليون ك ۆ تس-قا باعالانادى.
الماتى، جامبىل، وڭتۇستىك قازاقستان جانە قاراعاندى وبلىستارىندا شاعىن گيدروەنەرگەتيكالىق نىساندار پايدالانۋعا ەنگىزىلگەن.
قازىرگى تاڭدا جەل ەلەكتر ستانسالارى جامبىل، اقمولا جانە سولتۇستىك قازاقستان وبلىستارىندا ءجۇمىس ىستەپ تۇر. ال الماتى، و ق و جانە جامبىل وبلىستارىندا كۇن ەنەرگياسىن ءوندىرۋ بويىنشا الاڭدار بار.
ايتا كەتەيىك، ەلىمىزدەگى جەل ەلەكتر ستانسالارى نىساندارىنىڭ قۋات ءوندىرۋ كولەمى 2014 -جىلدىڭ 9-ايىندا 383,4 ميلليون ك ۆ ت قۇراعان.
قازاقستان رەسپۋبليكاسىنىڭ جاڭعىرتىلعان ەنەرگيا كوزدەرىن پايدالانۋدى قولداۋ تۋرالى زاڭىمەن ينۆەستوردلاردىڭ قولداۋىمەن جاڭعىرتىلعان ەنەرگيا كوزدەرى سەكتورىن دامىتۋ ءۇشىن ءبىرقاتار شارالار قارالىپ وتىر. قازىرگى تاڭدا قازاقستاننىڭ ايماقتارىندا جاڭعىرتىلعان ەنەرگيا كوزدەرى جوبالارىن جۇزەگە اسىرۋ ءۇشىن ناقتى ۇيىمدىق جانە قۇقىقتىق نەگىزدەر قۇرىلعان، سونىڭ ىشىندە:
- جاڭعىرتىلعان ەنەرگيا كوزدەرى نىساندارىن سالۋ ءۇشىن جەر ۋچاسكەلەرىن بەرۋ مەن قوردا ساقتاۋ قامتاماسىز ەتىلەدى؛
- جاڭعىرتىلعان ەنەرگيا كوزدەرىنەن ەلەكتر ەنەرگياسىن ءبىرىڭعاي ساتىپ الۋشى رەتىندە ەسەپتىك- قارجىلىق ورتالىعى قۇرىلدى؛
- جەلدى ەلەكتر ەنەرگياسىنىڭ ءار ءتۇرى ءۇشىن قىزىعۋشىلىق تۋدىراتىن تاريفتەر بەكىتىلدى.
سونىمەن بىرگە الماتى، جامبىل، وقو جانە قىزىلوردا وبلىستارىندا الدەقايدا جوعارى قۋاتتىلىقپەن كۇن ەلەكتر ستانساسىن سالۋ جوسپارلانىپ وتىر. ال الماتى، جامبىل وبلىستارىندا، ش ق و جانە و ق و-دا شاعىن گەس جوبالارى جۇزەگە اسىرىلادى.
