اقمولا وبلىسىندا قازاقتىڭ تازىلارى ءوزارا سايىسقا ءتۇسىپ جاتىر
قازاق حالقى جەتى قازىنانىڭ بىرىنە بالاعان اسىل تۇقىمدى يتتەردىڭ جارىسىنا استانا قالاسى مەن قاراعاندا، پاۆلودار جانە جەرگىلىكتى اقمولا وبلىستارىنان 50 دەن استام تازا تۇقىمدى تازىلار قاتىستىرىلىپ وتىر.
وڭىردە تۇڭعىش رەت ۇيىمداستىرىلىپ وتىرعان شاراعا "تازى- توبەت- ءبورىباسار" رەسپۋبليكالىق فەدەراتسياسى جانە كراسنويارداعى ۇلتتىق سپورت مەكتەبى مۇرىندىق بولدى.
"اسىلدى الىستان تاني بىلگەن قازاق حالقى ءيتتىڭ بۇل تۇقىمىن وسى كۇنگە دەيىن ساقتاپ جەتكىزىپ وتىر. بۇگىنگى ءبىزدىڭ ماقساتىمىز دا وسىنداي اۋقىمدى ءىس-شارانى ۇيىمداستىرۋ ارقىلى قازاق حالقىنىڭ يگىلىگى مەن تاريحي-مادەني مۇراسىنىڭ ءبىر بولىگى بولىپ تابىلاتىن قازاق تازىسىنىڭ تۇقىمىن ودان ءارى دامىتۋ بولىپ تابىلادى.
جارىس ەرەجەسىنە ساي تازى جۇيرىك، قۋىپ جەتكەن اڭىن ولتىرە الاتىن ازۋلى، ۇساق اڭدى تىستەپ ءوزى الىپ كەلەتىن اقىلدى، تاعى دا باسقا قاسيەتتەرگە يە بولۋى كەرەك"، - دەيدى "تازى- توبەت- ءبورىباسار" رەسپۋبليكالىق فەدەراتسياسىنىڭ پرەزيدەنتى ورالبەك قايسانوۆ.
اۆتور: اسلان وسپانوۆ
