الماتىداعى جارىلىس: باستاپقى اسكەري دايىندىق ساباعىنىڭ مۇعالىمى قاماۋعا الىندى

بۇل تۋرالى قالالىق ءى ءى د باسپا ءسوز قىزمەتى حابارلادى.

ەستەرىڭىزگە سالا كەتەيىك، الماتى پوليتسياسى 1 قىزدىڭ ءومىرىن جالماپ، 8 ادامدى جارالاعان وقيعاعا بايلانىستى ق ر ق ك بىرنەشە بابى بويىنشا قىلمىستىق ءىس قوزعادى.

«قازىر اتالعان دەرەك بويىنشا قالالىق ءى ءى د تەرگەۋ باسقارماسى ق ر ق ك 251-بابى (قارۋ مەن جارىلعىش زاتتاردى زاڭسىز ساقتاۋ، الۋ، ساتۋ، الىپ ءجۇرۋ) جانە 101-بابى (ابايسىزدا ادام ولىمىنە اكەلۋ) بويىنشا قىلمىستىق ءىس قوزعالدى»، - دەلىنگەن حابارلامادا.

تەرگەۋ بارىسىندا وقيعانىڭ ناقتى سەبەپتەرىن انىقتايتىن ءبىرقاتار ساراپتاۋلار تاعايىندالدى.

سونداي-اق، ق ر ق ك 132-بابىنا سايكەس باستاپقى اسكەري دايىندىق ساباعىنىڭ مۇعالىمى ۋاقىتشا قاماۋ يزولياتورىنا توعىتىلدى. 1967 - جىلى تۋىلعان ازامات قازىر پروتسەسسۋالدى تارتىپتە تۇسىنىكتەمە بەرۋدە.

تەرگەۋ بارىسىندا قارۋدىڭ وقۋ ورنىندا قالاي پايدا بولعانى مەن كىمگە تيەسىلى ەكەندىگى تەكسەرىلمەك.

اۆتور: گۇلميرا عوسمانالي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى