قازاقستاندىق كورەي تەاترىنىڭ ارتىستەرى كورەيا استاناسىندا كورەرمەندەردى ونەرىمەن ءتانتى ەتتى - فوتو
دەپ حابارلايدى ق ر مادەنيەت جانە سپورت مينيسترلىگىنەن.
گاسترولدىك ساپار كورەي حالقىنىڭ رەسەي يمپەرياسىنىڭ اۋماعىنا قونىس اۋدارۋ تاريحىمەن جانە سونداي- اق قازاقستان رەسپۋبليكاسىندا تۇرىپ جاتقان ەتنيكالىق كارىستەردىڭ تىنىس- تىرشىلىگىمەن تانىستىرۋ ماقساتىندا ۇيىمداستىرىلدى.
سەۋلدەگى حالىق ونەرى سارايىندا ونەر كورسەتكەن قازاقستاندىق شىعارماشىلىق ۇجىم كورەرمەندەر نازارىنا «ورتاق تاعدىرمەن بىرىككەن» كونسەرتتىك باعدارلاماسىن ۇسىندى. وڭتۇستىك كورەيالىق استانانىڭ تۇرعىندارى مەن قوناقتارىن قازاقستاندىق ونەرپازداردىڭ وزىندىك بىرەگەي ناقىشتا ورىندالعان ۇلتتىق بي بيلەۋ جانە ءان ايتۋ مانەرىنە تامساندىردى.
سونىمەن قاتار قازاقستاندىق كورەي تەاترىنىڭ ارتىستەرى كەنحيگۋن سارايىندا وتكەن كورەي حالقىنىڭ ءداستۇرلى مۋزىكالىق فەستيۆالى مەن انسان قالاسىنداعى كونسەرتتە ونەر كورسەتتى. مۇنداعى كورەرمەندەر تەاتر ۇجىمىن ۇزاق ۋاقىت بويى ساحنادان جىبەرمەي تۇرىپ الدى، ال كونسەرتتىڭ ءوزى قالا تۇرعىندارى ءۇشىن مەرەكەلىك وقيعاعا اينالدى.
ايتا كەتەيىك، رەسپۋبليكالىق كورەي مۋزىكالىق كومەديا تەاترى كورەيا رەسپۋبليكاسىنىڭ اۋماعىنان تىس ورنالاسقان مەملەكەتتىك جانە كاسىبي مارتەبەگە يە الەمنىڭ بىردەن ءبىر تەاترى.
