الەمدەگى ەڭ ۇزىن ادام ەڭ قىسقا اداممەن كەزدەستى - فوتو

ۇلى بريتانيادا بويى ەڭ ۇزىن سۋلتان كوسەن ەسىمدى تۇرىك پەن جەر جاھانداعى بويى ەڭ كىشكەنتاي ادام - نەپال تۇرعىنى چاندرا باحادۋر دانگي كەزدەسىپ،  كورگەن جۇرتتى تاڭعالدىراتىن سۋرەتكە ءتۇستى.

سۇلتان كەسەننىڭ بويىنىڭ ۇزىندىعى - 251 سانتيمەتر، ال چاندرا دانگيدىڭ بويى - 54,6 سانتيمەتر. سۇلتان كەسەن 2009 - جىلى رەكوردتار كىتابىنا ەنگەن بولاتىن. ونىڭ الدىندا قىتاي ازاماتى باو سيشۋن الەمدەگى ەڭ بويشاڭ ادام سانالعان. ونىڭ بويىنىڭ ۇزىندىعى - 236 سانتيمەتر بولاتىن. سونىمەن قاتار، بيىل باقيعا اتتانعان ۋكراينالىق لەونيد ستادنيك تە رەسمي ەمەس دەرەك بويىنشا الەمدەگى ەڭ بويشاڭ ادام اتانعان ەدى. الايدا، ول ايگىلى بولۋدان قاشىپ، بويىن ولشەتۋدەن ءۇزىلدى- كەسىلدى باس تارتقان بولاتىن.

ال چاندرا دانگي رەكوردتار كىتابىنا 2012 -جىلى، 72 جاسىندا ەنگەن ەكەن. ءسوز اراسىندا ايتا كەتۋ كەرەك، گيننەس رەكوردتار كىتابىنىڭ  جىل سايىن  جاڭا نۇسقاسى جارىق كورەدى. وندا وزگەشە ادامدار، وزگەشە تاعدىرلار، ەرەكشە جانۋارلار، ايرىقشا وقيعالار، ت. ب. تىركەلەدى. گيننەستىك رەكوردتار كىتابى العاش رەت 1955 - جىلى جارىق كورگەن بولاتىن. سودان بەرى بۇل مەرەكە جىل سايىن قاراشانىڭ ءۇشىنشى بەيسەنبىسىندە تويلانىپ كەلەدى.  

BNews.kz
 

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى