استانادا العاش رەت رەسپۋبليكالىق انالار فورۋمى ءوز جۇمىسىن باستادى
ەلىمىزدىڭ تۇكپىر-تۇكپىرىنەن كەلگەن انالار وتباسى قۇندىلىقتارىن بەرىك ۇستانۋ ماسەلەلەرىن تالقىلادى. ولار جانۇياداعى جىلۋلىق پەن ۇرپاق تاربيەسى ارقىلى دامىعان قوعام قۇرۋدىڭ قىر-سىرىنا توقتالدى.
سونداي-اق تۇرمىسى تومەن وتباسىلار مەن اتا-انانىڭ قامقورلىعىنسىز قالعان بالالارعا كومەك كورسەتۋگە ۇندەدى. جالپى بۇگىندە ەلىمىز بويىنشا 210 انالار كەڭەسى جۇمىس ىستەيدى. ولاردىڭ باستى مىندەتى - جاراسىمدى وتباسىلاردى كوپشىلىككە ۇلگى ەتىپ، ەرلى-زايىپتىلار اراسىندا بولاتىن كيكىلجىڭدەردىڭ الدىن الۋ، جاستارعا سالت-ءداستۇردى دارىپتەپ، ەل بىرلىگىن نىعايتۋعا شاقىرۋ.
سالتانات بايقوشقاروۆا، ق ر پرەزيدەنتى جانىنداعى ايەلدەر ءىسى جانە وتباسىلىق-دەموگرافيالىق ساياسات بويىنشا ۇلتتىق كوميسسيانىڭ مۇشەسى:
- دەنساۋلىق جانە الەۋمەتتىك دامۋ مينيسترلىگى تاراپىنان حالىق اراسىندا رەپرودۋكتيۆتى دەنساۋلىق ماسەلەلەرى بويىنشا ساۋاتتىلىق دەڭگەيىن ارتتىرۋ تۇرعىسىندا ءتيىستى جۇمىستار قامتاماسىز ەتىلدى. سونىمەن قاتار بۇل ماسەلەلەر ۇلتتىق كوميسسيانىڭ كۇن تارتىبىندە بىرنەشە رەت كوتەرىلگەن بولاتىن. وسى باعىتتاعى جۇمىستار جاسوسپىرىمدەر اراسىنداعى جۇكتىلىك پەن تۇسىك جاساتۋدى تۇراقتى تۇردە تومەندەتۋگە مۇمكىندىك بەردى.
24.kz
