الماتىدا «قورعاس» ءىسى بويىنشا ايىپتى كەدەن قىزمەتكەرى تۇرمەگە توعىتىلدى
بۇل تۋرالى BNews.kz حابارلادى. بۇعان دەيىن قىلمىستىق ءىس فيگۋرانتى بەكبولات سونابايەۆ «قورعاس» ءىسى بويىنشا ايىپتى دەپ تانىلىپ، 5 جىلعا باس بوستاندىعىنان جانە سونداي ۋاقىتقا مەملەكەتتىك قىزمەتتە جۇمىس ىستەۋ قۇقىعىنان ايىرىلعان بولاتىن.
ەندى الماتى قالالىق سوتىنىڭ باسپا ءسوز حاتشىسى قۋاندىق ەشىمەتتىڭ ايتۋىنشا، كەزەكتى سوت تالقىلاۋىنان كەيىن سونايەۆتىڭ جازاسىنا كەمىندە تاعى ءبىر جىل قوسىلۋى مۇمكىن.
«اعىمداعى جىلدىڭ 10 - قاراشادا الماتى قالاسى جەتىسۋ اۋداندىق №2 سوتى بەكبولات سونايەۆتىڭ ىسىنە قاتىستى ۇكىم شىعاردى. ق ر ق ك 307-بابى بويىنشا، قىزمەتتىك بابىن اسىرا پايدالاندى دەپ ايىپتالعان سونايەۆ مەملەكەتكە 105 ميلليون تەڭگە كولەمىندە شىعىن كەلتىرگەن. ول الماتىدا كەدەندىك باقىلاۋ دەپارتامەنتىندە باس مامان بولىپ قىزمەت ەتىپ جۇرگەن كەزىندە جەكە باسىنىڭ پايداسى ءۇشىن زاڭسىز ارەكەتتەر جاساعان»، - دەپ اڭگىمەلەدى قۋاندىق ەشىمەت.
بۇرىنعى كەدەنشى قىزمەت بارىسىنداعى زاڭسىز ارەكەتتەرى ءۇشىن 6 جىل 10 ايعا باس بوستاندىعىنان ايىرىلدى.
24.kz
