جارقاناتتان ادامعا ۆيرۋستاردىڭ قالاي تارالاتىندىعىن ءتۇسىندىرىلدى

ءدال وسى قۇبىلىسپەن ەبولا بەزگەگىنىڭ تارالۋىن تۇسىندىرەدى. جارقاناتتار ادامعا جۇعۋى مۇمكىن اۋرۋ تۋدىراتىن ميكرواعزالاردىڭ تىزىمىنە (قۇستار، دوڭىزدار جانە ت. ب. ) جاقىندا عانا ەندى.

عالىمدار ونىڭ سەبەبى -  ادامدار بۇرىن وسى جارقاناتتار مەكەندەگەن اۋماقتارعا بەلسەنە قونىستانۋىنان دەگەن بولجام جاساپ وتىر. الايدا، ۆيرۋس پەن باكتەريالاردىڭ جارقاناتتارعا جۇعۋى قالاي مۇمكىن بولاتىندىعى ءالى تۇسىنىكسىز.

ءبىراق پروتسەسس كوپتەگەن مىڭجىلدىقتار بويى ءجۇرىپ كەلەدى. جارقاناتتار ءبىر-بىرىمەن تىعىز بايلانىستا ءومىر سۇرەدى، ءارى بۇل ۆيرۋستى بىرىنەن بىرىنە جەڭىل جۇقتىرا الادى. الايدا جانۋارلاردا ءوز اۋرۋلارىنا بەرىك يممۋنيتەت قالىپتاسقان: ولار بۇل اۋرۋدان ولمەيدى، ءتىپتى قالىپتى جاعدايدا ءومىر سۇرە بەرەدى.

بۇل رەتتە ولاردىڭ ءزارى، ءناجىسى جانە سىلەكەيى اۋرۋدى باسقا تۇرلەرگە جۇقتىرۋ كانالى بولىپ تابىلادى. ماسەلەن، ەگەر جىلقى جارقاناتتاردان قالعان اعاش ماڭىنداعى ءشوپتى جەيتىن بولسا، ولەدى. ات قوراعا كەلگەسىن ول اۋرۋدى باسقا جىلقىلارعا، سونداي-اق، ولاردى كۇتىپ-باپتايتىن ادامعا دا جۇقتىرادى.

اۆستراليادا ءدال وسىلاي حەندرا (ادامعا وتە قاۋىپتى نيپاح ۆيرۋسىنا ۇقساس) ۆيرۋسىنىڭ ەپيدەمياسى باستالعان بولاتىن. بۇل قۇبىلىستىڭ باستى سەبەبى - ادامنىڭ جارقاناتتار مەكەندەيتىن ايماققا باسىپ كىرۋى. ادامدار جارقاناتتار مەكەندەگەن اعاشتاردى كەسىپ الىپ، ولاردان ءۇي سالادى. الايدا الدىڭعى مەكەندەۋشىلەر اۋلادا قالعان سيرەك كەزدەسەتىن اعاشتاردان دا جىراقتامايدى.

عالىمدار جارقاناتتاردى جويۋ - تىعىرىقتان قۇتىلۋدىڭ ادەكۆاتتى ءتاسىلى ەمەس ەكەندىگىن مالىمدەيدى. ويتكەنى ولار تۇتاس كونتينەنتتەردىڭ ەكوجۇيەسىندە ماڭىزدى ءرول اتقارادى. ادامدار وسى جانۋارلاردى ىعىستىرۋدان باس تارتۋ ارقىلى عانا ۆيرۋستار قورعانا الادى.

24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى