م. ءتاجين: كۇن تارتىبىندە - ر ف، قىتاي جانە ە و پورتتارىندا تەرمينالدىق قۋاتتار سالۋ
قازاقستان ەلشىسى كەزدەسۋدە وبلىستىڭ ءىرى كاسىپكەرلەرىن مەملەكەت باسشىسىنىڭ «نۇرلى جول» جولداۋىندا ايتىلعان ق ر جاڭا ەكونوميكالىق ساياساتىنىڭ نەگىزگى پارامەترلەرىمەن تانىستىردى.
«ەۋرازيالىق جانە ازيا-تىنىق مۇحيت ايماعىنداعى ينتەگراتسيالىق ۇردىستەردىڭ ءوسۋىن ەسەپتەي كەلە، قازاقستاننىڭ جاڭا ەكونوميكالىق ساياساتىندا كولىكتىك-لوگيستيكالىق ينفراقۇرىلىمدى دامىتۋ، سونىڭ اياسىندا «اتىراۋ - استراحان» كۇرە جولىن جاڭارتۋ جۇزەگە اسادى. سونداي-اق، كۇن تارتىبىندە رەسەي، قىتاي، يران جانە ە و ەلدەرىنىڭ «قۇرعاقتا» جانە پورتتارىندا تەرمينالدىق قۋاتتار سالۋ نەمەسە جالعا الۋ ماسەلەسى تۇر»، - دەپ ءمالىم ەتتى م. ءتاجين.
ەلشى 2019 - جىلعا دەيىن ەلىمىزدىڭ ينفراقۇرىلىمىن دامىتۋ جوسپارىن جۇزەگە اسىرۋعا 24 ميلليارد دوللار قاراستىرىلاتىندىعىن اتاپ ءوتتى.
بۇل قارجىنىڭ ەداۋىر بولىگىن حالىقارالىق قارجى ينستيتۋتتارى - حالىقارالىق قايتا قۇرۋ جانە دامۋ بانكى، ەۋروپالىق قايتا قۇرۋ جانە دامۋ بانكى، ازيا دامۋ بانكى جانە يسلام دامۋ بانكىنەن تارتۋ جوسپارلانىپ وتىر.
بۇدان باسقا 2017 - جىلى استانادا «بولاشاق ەنەرگياسى» تاقىرىبىمەن «ەكسپو-2017» حالىقارالىق مامانداندىرىلعان كورمەسى وتەدى.
بۇلاردىڭ بارلىعى بيزنەس-قۇرىلىمداردىڭ قاتىسۋىنا زور مۇمكىندىك اشادى. سولاردىڭ قاتارىندا استراحان كومپانيالارى دا الەۋەتىن قازاقستانمەن ەكونوميكالىق ىنتىماقتاستىققا بەلسەندى پايدالانا الار ەدى»، - دەپ اتاپ ءوتتى ەلشى.
استراحان كاسىپكەرلەرىمەن كەزدەسۋ كەزىندە قازاقستانداعى ينۆەستيتسيالىق احۋال جانە 2014 - جىلى جازدا ەل ۇكىمەتى قابىلداعان بيزنەس پەن ينۆەستيتسياعا مەملەكەتتىك قولداۋ شارالارى تۋرالى ناقتى ءارى جان-جاقتى اقپاراتتار بەرىلدى.
