د س ۇ- عا ەنگەننەن كەيىن قازاقستاندى قىرعىزدىڭ توقىما ءوندىرىسى جاۋلاپ الادى دەۋ نەگىزسىز
«ءبىز جاقىندا عانا جەڭىل ونەركاسىپتى قولداۋدىڭ كەشەندى باعدارلاماسىن جاريالادىق. بۇل باعىت جىل بويىن كەڭىنەن ءارى جان- جاقتى تالقىلاندى. ەگەر وسىندا قامتىلعان جوسپاردى جۇزەگە اسىرساق، وندا وتاندىق ءوندىرىس سەرپىلەتىن ەدى» ، - دەدى جۋرناليستەر ساۋالىنا جاۋاپ بەرگەن پالاتا باسشىسى ا. مىرزاحمەتوۆ.
سونىمەن قاتار ول، دۇنيەجۇزىلىك ساۋدا ۇيىمىنا كىرگەننەن سوڭ قىرعىزستاننىڭ تاۋارى قازاقستاننىڭ توقىمى ءوندىرىسىن جاۋلاپ الادى دەگەن قورقىنىشتى دا جوققا شىعاردى.
«بىرىنشىدەن، قىرعىزدىڭ توقىما ءوندىرىسى قازاقستاندى جاۋىپ قالاتىنداي اۋقىمدى ەمەس. ەكىنشىدەن، ءبىز قىرعىزستاننىڭ تاجىريبەسىن زەردەلەدىك، تولىقتاي ساراپتامالار بار. سوندىقتان دا، ولاردىڭ قاي باعىتتا كۇشتى ەكەنى، ءبىزدىڭ وزىمىزگە قانداي جولدى دۇرىستاۋ كەرەكتىگى جان- جاقتى تۇسىنىكتى. ال وسى باعىتتاعى قادامنىڭ ءبارى جاقىندا جاريالانعان باعدارلامادا قامتىلدى» ، - دەدى ول.
باسقارما ءتوراعاسىنىڭ ايتۋىنا قاراعاندا، ەلباسى جولداۋىندا ايتىلعان كاسىپكەرلىكتى قولداۋعا بولىنەتىن 100 ميلليارد تەڭگە اياسىندا جەڭىل ونەركاسىپتى قولداۋ شارالارى دا قاراستىرىلادى.
«جالپى بىزدە مۇمكىندىكتەر بار. سوندىقتان دا، ەرتەڭ قىرعىزستان، سوسىن ۆەتنام كەلەدى دەپ قورقۋعا بولمايدى، قايتا اشىلىپ جۇمىس ىستەۋ كەرەك. ەڭ باستىسى جاعداي جاساپ، وزىمىزگە سەنىمدى بولساق، وندا باسەكەلەستىكتى دە قورىقپاي قابىلداۋعا بولادى» ، - دەدى ا. مىرزاحمەتوۆ.
اۆتور: قانات مامەتقازى ۇلى
