قانات يسلام گەننادي گولوۆكينمەن جۇدىرىقتاسۋى مۇمكىن

 ول قاناتتىڭ «استانا»  پرەزيدەنتتىك كاسىبي سپورتتىق كلۋبىنا مۇشە بولعانىن قالايدى جانە جەكپە- جەكتەرىن الماتىدا وتكىزسە دەگەن نيەتتە. نازارلارىڭىزعا مامانمەن بولعان سۇحباتتىڭ قازاقشا نۇسقاسىن ۇسىنامىز.

- ءبىز سىزدەردىڭ "استانا" پرەزيدەنتتىك كلۋبىنىڭ قاتارىنا قوسىلعىلارىڭىز كەلەتىنىن بىلەمىز. قوسىلعان جاعدايدا قانداي باسىمدىقتارعا، جەڭىلدىكتەرگە يە بولماقسىزدار جانە سىزدەر "استانا" كلۋبىنا نە بەرە الاسىزدار؟

- ءبىز قازىر ەشكىمنىڭ كومەگىنسىز جۇمىس ىستەپ جاتىرمىز. ءبىراق، مەن قاناتتى وتە ۇلكەن بەلەستەرگە جالعىز جەتكىزە المايمىن، ويتكەنى ول امەريكالىق بوكسشى ەمەس، ول - قازاق. قانات "استانا ارلاندارىنىڭ" مۇشەسى بولدى، ال "استانا ارلاندارى" قازىر "استانا" پرەزيدەنتتىك كلۋبىنىڭ قۇرامىندا. سوندىقتان، اتالعان كلۋب قانات يسلامنىڭ ءارى قاراي وسۋىنە جۇمىس ىستەسە دەگەن نيەتتەمىز. ودان ەشكىم ۇتىلمايدى.

- قانات 18 جەكپە- جەك وتكىزىپ، بارلىعىن جەڭىپ شىقتى. دەگەنمەن، ونىڭ قارسىلاستارى مىقتى بوكسشىلار ەمەس. الداعى ۋاقىتتا تاعى كىمدەرمەن كەزدەسۋدى جوسپارلاپ وتىرسىزدار جانە قاناتتىڭ چەمپيوندىق جەكپە- جەكتەرىن بوكسسۇيەر قاۋىم قاشان تاماشالاي الادى؟

- ءيا، قاناتتىڭ بۇعان دەيىنگى قارسىلاستارى راسىمەن دە وسال بوكسشىلار. ءبىراق، ءبىز قازىر ونىڭ رەيتينگىن كوتەرۋ ءۇشىن جۇمىس ىستەپ جاتىرمىز. جاقىن بولاشاقتا تيتۋلدى كەزدەسۋلەر وتكىزەمىز، وعان كۇمانىم جوق. قاناتتىڭ ساۋل الۆارەسپەن، ميگەل كوتتومەن، فلويد مەيۆەزەرمەن جۇدىرىقتاسقانىن قالايمىز جانە سول ماقساتقا جەتۋ ءۇشىن بارىمىزدى سالۋدامىز. HBO جانە Showtime تەلەارنالارىمەن كەلىسىمشارتقا وتىرىپ، ولار ءبىزدىڭ جەكپە- جەكتەردى تىكەلەي ەفيردەن كورسەتسە دەيمىز. قاناتتىڭ قولىنان ۇلكەن جەتىستىكتەرگە جەتۋ كەلەدى، تەك بىزگە قازىر قولداۋ كەرەك.

- قاناتتىڭ سالماعىندا الەمنىڭ ەڭ مىقتى بوكسشىسى كىشى فلويد مەيۆەزەردىڭ بارىن جاقسى بىلەمىز. سىزدەر ونىمەن كەزدەسۋ وتكىزگىمىز كەلەدى دەيسىزدەر، بۇل ماقساتتارىڭىزعا جەتۋ ءۇشىن نە ىستەۋ كەرەك، قانداي جولدارى بار؟

- مەنىڭ ويىمشا فلويد قاناتپەن شارشى الاڭدا ەندى مۇلدەم جولىقپايدى. قانات ونىڭ دەڭگەيىنە جەتەمىن دەگەنشە مەيۆەزەر سپورتتان كەتەدى، جاسى كەلىپ قالدى ونىڭ. ەگەر شىققان كۇننىڭ وزىندە قاناتتىڭ جەڭەتىنىنە كۇمانىم جوق. ويتكەنى، ول ەكى قولىمەن دە اۋىر سوققى جاساي الاتىن بىرەگەي بوكسشى. ال، فلويدقا سولاقاي بوكسشىلارمەن جۇدىرىقتاسۋ ىڭعايسىز. جالپى، قانات يسلامنىڭ بولاشاعى زور، ول ءالى تالاي مىقتىنى تىزەرلەتەدى، گەننادي گولوۆكينگە دە ءبىراز قيىندىقتار تۋعىزۋى عاجاپ ەمەس. "گەنا، كۇت! ءبىز ساعان بارا جاتىرمىز!" دەپ ايتقىم كەلەدى.

- قاناتتى قازاقستانداعى جەكپە- جەكتەرىن قاشان كورە الامىز؟

 - كەلەسى جىلى الماتىدا ۇلكەن بوكس كەشىن وتكىزەمىز دەپ جوسپارلاپ وتىرمىز. بالكىم ەكى كەزدەسۋ وتكىزۋىمىز مۇمكىن.

baq.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى