اتىراۋ وبلىسى اكىمدىگىنىڭ بۇرىنعى ءبىر توپ لاۋازىمدى تۇلعالارى مەن كاسىپكەرلەگە قاتىستى قىلمىستىق ءىس بويىنشا سوت ۇكىمى جاريالاندى
سوت ولاردى ۇيىمداسقان قىلمىستىق توپتى قۇرۋ، بيۋدجەتتىك قارجىنى تالان- تاراجعا سالۋ، جالعان كاسىپكەرلىكپەن اينالاسۋ، پارا الۋ، قىزمەت وكىلەتتىگىن تەرىس پايدالانۋ، الاياقتىق، قىزمەتتىك جالعاندىق جاساۋ باپتارى بويىنشا كىنالى دەپ تاۋىپ، ءار ءتۇرلى مەرزىمگە باس بوستاندىقتارىنان ايىرۋ جازاسىن تاعايىندادى.
ۇكىمگە سايكەس، وبلىس اكىمىنىڭ بۇرىنعى ورىنباسارى بولات داۋكەنوۆ - 5 جىلعا، وبلىس اكىمىنىڭ بۇرىنعى ورىنباسارى اسقار ءابدىروۆ - 12 جىلعا، قۇرىلىس باسقارماسىنىڭ بۇرىنعى باستىعى نۇرلان كەنجەبەكوۆ - 8 جىلعا، ەنەرگەتيكا باسقارماسىنىڭ بۇرىنعى باستىعى باۋىرجان جايساڭوۆ - 7 جىلعا، اتىراۋ قالاسىنىڭ بۇرىنعى اكىمى اسقار كەرىموۆ - 3 جىلعا، «گوس ەكسپەرتيزا» ر م ك ديرەكتورىنىڭ بۇرىنعى ورىنباسارى ۇلان قۇرالبايەۆ - 7 جىلعا، «گوس ەكسپەرتيزا» ر م ك- ءنىڭ بۇرىنعى ديرەكتورى تۇرلانبەك جيەنبايەۆ - 8 جىلعا، كاسىپكەر الەكساندر كورەتسكي - 11 جىلعا، قۇرىلىس باسقارماسى باستىعىنىڭ بۇرىنعى ورىنباسارى يبراگيم اميروۆ - 4 جىلعا، «ازيا ماركەت س» ج ش س- ءنىڭ بۇرىنعى ديرەكتورى قايىرعالي قادىروۆ - 2 جىلعا، «ستروي ل ت د» ج ش س- ءنىڭ بۇرىنعى ديرەكتورى ەدۋارد دۋرمانوۆ - 5 جىلعا، «جولاۋشىلار ليزينگتىك ۆاگون كومپانياسىنىڭ» بۇرىنعى جەتەكشى ينجەنەرى ازامات قۇرمانتايەۆ - 7 جىلعا، «ارقايىم-2005» ج ش س- ءىنىڭ بۇرىنعى ديرەكتورى الەكساندر كۋزەما - 7 جىلعا، وبلىستىق قارجى باسقارماسىنىڭ بۇرىنعى باستىعى باۋىرجان جانتەمىروۆ - 4 جىلعا، «باتىس ترانسپورت س ي م» ج ش س- ءنىڭ بۇرىنعى ديرەكتورى راحمەتوللا الشەنوۆ - 8 جىلعا باس بوستاندىعىنان ايىرىلدى.
سوت بارلىق سوتتالعانداردىڭ دۇنيە- مۇلكىن تاركىلەپ، ءار ءتۇرلى مەرزىمگە كاسىپكەرلىك جانە مەملەكەتتىك قىزمەتپەن اينالىسۋ قۇقىعىنان ايىردى.
ەستەرىڭىزگە سالا كەتەلىك، باستى سوت تالقىلاۋى 2014 - جىلدىڭ 23 - قاڭتارىندا باستالىپ، سودان بەرگى ۋاقىت ىشىندە 9 توپتاما بويىنشا- «پاتەرلەر»، «نىسانداردى جەكەشەلەندىرۋ»، «كوپىرلەر سالۋ»، « اتىراۋ قۇرمان قۇرىلىس»، «سناب ويلستروي» ج ش س قىزمەتى»، «گاز جۇرگىزۋ» ت. ب. توپتامالار بويىنشا ىستەردى قارادى.
سوتتالۋشىلار ورىندىعىنداعى 22 ادام - ءار ءتۇرلى دەڭگەيدەگى شەنەۋىنىكتەر، وبلىستىق، قالالىق اكىمدىكتىڭ تاپسىرىستارىن ورىنداعان مەردىگەر كومپانيالاردىڭ قىزمەتكەرلەرى مەن تۇسكەن اقشالاردى زاڭداستىرعان جەكە تۇلعالار.
ىسكە 2 مەملەكەتتىك ايىپتاۋشى، 12 قورعاۋشىلار قاتىناستى. سوتپەن 70 كە جۋىق ساراپتاما جاسالىپ، 750 دەن استام كۋادان جاۋاپ الىندى، 30 مىڭنان استام قۇجاتتار تاركىلەندى. جالپى قىلمىستىق ءىستىڭ كولەمى 700 تومنان اسادى. سوت ۇكىمى 2000 پاراقتان اسادى.
سوت ۇكىمى زاڭدى كۇشىنە ەنگەن جوق.
