قازاقستان باتىستىڭ سەكس توڭكەرىسىنە قارسى تۇرۋى كەرەك - دەپۋتات
دەپۋتاتتىڭ پىكىرىنشە، باتىستا سەكس توڭكەرىس جۇقپالى اۋرۋدىڭ تارالۋىن جانە بەلسىزدىككە شالدىققانداردىڭ سانىن كوبەيتتى.
دەپۋتات مەملەكەت قازاقستاندىق جاستاردىڭ نەكەگە دەيىنگى پاكتىگىن ساقتاۋ ۇستانىمدارىن بويعا ءسىڭدىرىپ جاتقانىن ايتتى. «باتىس نەكەگە دەيىن جىنىستىق قاتىناستىڭ بولۋى كەيىنگى وتباسىلىق ومىرىندە كومەكتەسەتىنى جايلى پىكىردىڭ تارالعان كەزىندە سەكسۋال توڭكەرىستى باستان وتكەردى. باتىس ءدال وسى ساياساتتى بىزگە اۋىستىرىپ جاتىر، ال ءبىزدىڭ ءدىل مەن دىندە ءارقاشان پاكتىك تۋرالى ايتىلادى. كەيبىر جاعدايلار بولىپ قالاتىنىن تۇسىنەمىن، ءبىراق ادام ءوز ومىرىندە ءبىر عانا سەرىگى بولۋى كەرەكتىگىن ءتۇسىنۋى كەرەك»، - دەدى پەتۋحوۆا.
ول، سونىمەن قاتار، قازاقستانداعى جۇپتاردىڭ شامامەن 17 پايىزى بالالى بولا المايتىنىن قوسىپ ايتتى. بەلسىزدىككە شالدىققان ەر ادامدار كوبەيىپ كەلەدى - ەلدە ەركەكتەردىڭ شامامەن 30 پايىزى بەلسىزدىككە شالدىققان. قازاقستاندىق جاستارعا اسەر ەتۋى مۇمكىن سەكس توڭكەرىس جاعدايدى ايتارلىقتاي مۇشكىل ەتە تۇسەدى. «بەيبەرەكەت جىنىستىق قاتىناس جاساۋمەن ءومىر ءسۇرىپ، كەيىن - قورقىنىشتى ەشتەڭەسى دە جوق، ە ك و جاساتىپ، بالا بوسانا الامىن دەيتىن امالدىڭ الدىن الۋ قاجەت. وكىنىشكە قاراي، مۇنداي بالالاردىڭ (ە ك و ارقىلى ۇرىقتاندىرىلعان) جاعدايى تۋرالى تاجىريبە جينالعان جوق. كومەكشى رەپرودۋكتيۆ تەحنولوگياسى مەملەكەت ءۇشىن، وتباسى ءۇشىن قىمبات. رەپرودۋكتيۆ دەنساۋلىقتى ساقتاپ، قورعاۋ ادامعا بەرىلگەن ۇلكەن سىي ەكەنىن ءتۇسىنۋىمىز قاجەت»، - دەدى پەتۋحوۆا.
