ۇلتتىق يدەيامىز «ماڭگىلىك ەلگە» باستايتىن «نۇرلى جول» - ن. ءابدىقانوۆ
بۇل تۋرالى ەلباسىنىڭ قازاقستان حالقىنا ارناعان جولداۋىندا تۋىنداعان مىندەتتەردى تالقىلاۋ ماقساتىندا اقمولا وبلىستىق سوتىنىڭ ءتوراعاسى نۇرعازى ءابدىقانوۆتىڭ قاتىسۋىمەن وتكەن سۋديالاردىڭ پلەنارلىق وتىرىسىندا ايتىلدى، دەپ حابارلادى وبلىستىق سوتتىڭ باسپا ءسوز قىزمەتىنەن.
«ەلباسى نۇرسۇلتان نازاربايەۆ «نۇر وتان» پارتياسىنىڭ ساياسي كەڭەسىنىڭ وتىرىسىندا قازاقستان حالقىنا ارناعان ءداستۇرلى جولداۋىن جاريا ەتتى. بۇل جولعى جولداۋدىڭ ءبىر ەرەكشەلىگى، مەملەكەت باسشىسى «نۇرلى جول - بولاشاققا باستار جول» جاڭا ەكونوميكالىق ساياساتقا جول تارتقانى تۋرالى حابارلاپ، جۋىق ارادا ءبىزدى جاھاندىق سىناق كۇتىپ تۇرعانىن ايتقان بولاتىن. وسى رەتتە ەلباسىنىڭ «نۇرلى جول» باعدارلاماسى قالىڭ قازاق ەلىن سول سىناقتان سۇرىنبەي وتكىزىپ قويماي، ۇلتتىق يدەيامىز «ماڭگىلىك ەلگە» باستايتىن داڭعىل جول بولماق» ، - دەدى ءوز سوزىندە سوت ءتوراعاسى نۇرعازى ءابدىقانوۆ.
سونداي- اق وبلىستىق سوتتىڭ ءتوراعاسى مەملەكەت باسشىسىنىڭ جولداۋدا گەوساياسات جاعدايىنا ناقتى باعا بەرگەنىن، قازاقستاننىڭ جۋىق كەلەشەككە دامۋ ۆەكتورىن انىقتاعانىن اتاپ ءوتتى.
مەملەكەت باسشىسى نۇرسۇلتان نازاربايەۆ ءوزىنىڭ بيىلعى قازاقستان حالقىنا ارناعان جولداۋىندا ۇكىمەتكە ءارقايسىسى قازاقستاندىقتاردىڭ وزەكتى ماسەلەلەرىن شەشەتىن ماڭىزى بار ناقتى 14 تاپسىرما بەردى.
سۋديالار مەملەكەت باسشىسىنىڭ قويعان جاھاندانۋ ۇردىسىندە قازاقستاندىق ەكونوميكانىڭ ينتەگراتسياسى، ينفراقۇرىلىمدىق ولقىلىقتاردى جويۋ، جالپى قازاقستاندىق وتانشىلدىق جانە بيۋدجەتتىك قارجىنى ءتيىمدى پايدالانۋ سياقتى ماسەلەلەرى مەن تاپسىرمالارىن تولىقتاي قولدايتىندىقتارىن ايتتى.
اۆتور: اسلان وسپانوۆ
