جاڭا جولداۋ «نۇرلى جول» ەكونوميكالىق ساياسات پەن الەۋمەتتىك دامۋعا جاڭا سەرپىن بەرەدى - داريعا نازاربايەۆا
ونىڭ پىكىرىنشە، جاھاندىق ەكونوميكانىڭ دامۋ بولجامىنىڭ پەسسيميستىك سيپاتىنا قاراي جاڭا قۇجات قازاقستاندى سىرتقى فاكتورلاردىڭ قاۋىپ-قاتەرىنەن ساقتاۋعا كوپ كومەگىن تيگىزەدى.
«مەملەكەت باسشىسى كەلەشەكتەگى ءۇش جىلدا جۇزەگە اسىرىلۋى ءتيىس «نۇرلى جول» جاڭا ەكونوميكالىق ساياساتىن ۇسىندى. اڭگىمە ەل ەكونوميكاسىن بارلىق سالا بويىنشا، اتاپ ايتقاندا، اۋقىمدى ينفراقۇرىلىمدىق جوبالار - كولىكتىك- لوگيستيكالىق ينفراقۇرىلىم، جول، مەملەكەتتىك جالعا بەرىلەتىن پاتەرلەر، ەنەرگەتيكالىق قۋاتتى ارتتىرۋ نىساندارىن سالۋ، تۇرعىن-ءۇي كوممۋنالدىق شارۋاشىلىقتى جاڭعىرتۋ جايلى بولىپ وتىر. قارجى ۇلتتىق قوردان جانە حالىقارالىق ينستيتۋتتاردان بولىنەتىن بولادى. اتالعان شارالار ەل ەكونوميكاسى مەن الەۋمەتتىك سالاسىنىڭ قارقىندى دامۋىنا سەپ بولارى ءسوزسسىز»، - دەدى داريعا نازاربايەۆا.
ق ر پارلامەنتى ءماجىلىسى ءتوراعاسىنىڭ ورىنباسارى مەملەكەتتىك ساياساتتىڭ بىرلىك پەن قاۋىپسىزدىك ماسەلەلەرىنە، الەۋمەتتىك جاعدايدىڭ ارتۋى، الەۋمەتتىك قامسىزداندىرۋ، رەپرودۋكتيۆتىك دەنساۋلىقتىڭ نىعايۋى، ءبىلىم بەرۋ، جۇمىسپەن قامتۋ، مادەنيەت، قورشاعان ورتا، گەندەرلىك تەڭدىك باعىتىنا باسىمدىق بەرىپ وتىرعاندىعىن اتاپ ءوتتى.
«تەرريتورياسىنىڭ ۇلكەندىگى بويىنشا الەمدە توعىزىنشى ورىندا تۇرعان قازاقستان ءۇشىن دەموگرافيا ماسەلەسى ۇلكەن ماڭىزعا يە. 18 جاسقا دەيىنگى بالالاردىڭ سانى 5 ميلليوندى قۇرايدى. ولار حالىقتىڭ ۇشتەن ءبىر بولىگىن قۇرايدى. جىل سايىن قازاقستاندا 300 مىڭعا جۋىق بالا دۇنيەگە كەلەدى. ياعني، حالىق سانى جىلدا ءبىر قالانىڭ حالقىنا كوبەيىپ وتىر. مەملەكەتتىك جاردەماقى الىپ وتىرعان بالالى وتباسىلاردىڭ سانى - 1 ميلليون جالپى، قازاقستان بارلىق كورسەتكىشتەر بويىنشا تۇراقتى دامۋ كورسەتكىشتەرىن كورسەتىپ كەلەدى. جان باسىنا شاققانداعى ج ءى ءو 13,6 مىڭ دوللاردى قۇرادى. سوڭعى 15 جىلدا قازاقستاندىقتاردىڭ تابىسى 16 ەسە ارتتى. تومەنگى كۇنكورىس دەڭگەيىندە ءومىر ءسۇرىپ جاتقان حالىقتىڭ سانى 12,5 ەسە ازايدى. وسى جۇمىستىڭ بىرىككەن ناتيجەسىندە حالىقتىڭ ورتاشا ءومىر ءسۇرۋ جاسىنىڭ 70,4 جاسقا جەتكەندىگىن اتاپ ءوتۋ كەرەك»، - دەدى ول.
اۆتور: گۇلميرا عوسمانالي
