ءسوز ونەرىن زەرتتەۋ ورتالىعى اشىلدى
ال ورتالىقتىڭ تۇساۋكەسەرىندە ءسوز العان ۋنيۆەرسيتەت باسشىلىعى بۇل باعىتتا بارلىق كومەكتەرىن ايامايتىنىن جەتكىزدى.
قازاق ادەبيەتىنىڭ بۇگىنگى حال-احۋالىن قوزعاپ، وقىرمانداردىڭ قىزىعۋشىلىعىن وياتىپ، كولەڭكەدە كورىنبەي قالىپ كەتكەن، الايدا وتە ماڭىزدى ماسەلەلەردى تالقىلاپ، جاستارعا وي سالىپ، سۋ تۇبىندە جاتقان قازاقتىڭ مارجان سوزدەرىنىڭ ماڭىزىن ءتۇسىندىرۋدى مۇرات تۇتىپ وتىرعان «ءسوز ونەرىن زەرتتەۋ ورتالىعىنىڭ» نەگىزگى ماقساتىن تۇسىندىرسەك، ول بىلايشا تىزبەكتەلەدى: بابالار ءسوزىن جانە حالىق ادەبيەتىن، سونداي-اق الەمدىك ءسوز ونەرى جاۋھارلارىن جۇيەلى زەرتتەۋ، تانىتۋ، ناسيحاتتاۋ؛ ادەبيەتتى زەرتتەۋدىڭ شىنايى ينتەللەكتۋالدى الاڭىن قالىپتاستىرۋ؛ ادەبيەتتىڭ بارلىق سالالارىنا قاتىستى عىلىمي جوبالاردى ورىنداۋ؛ ادەبيەتتى قوعامنىڭ بارلىق تەتىكتەرىمەن /بيزنەس، مەديا ت. ب./ تۇراقتى بايلانىسىن قالىپتاستىرۋ؛ گۋمانيتارلىق عىلىمداردىڭ قوعامدىق بەدەلىن كوتەرۋ؛ الەمدىك پراكتيكاداعى ادەبيەتتى زەرتتەۋدىڭ وزىق تاجىريبەلەر بازاسىن جاساۋ؛ ءسوز ونەرىنە قاتىستى ماتىندەردى زەرتتەيتىن شەتەلدىك عىلىمي ورتالىقتارمەن بايلانىستاردى نىعايتۋ؛ عالىمدار اراسىندا بىرلەسە زەرتتەۋ جۇرگىزۋ داعدىسىن قالىپتاستىرۋ؛ عىلىمداعى ۇستاز-شاكىرت تۇجىرىمىن ىسپەن جۇزەگە اسىرۋ؛ تالانتتى زەرتتەۋشىلەرگە مۇمكىندىك جاساۋ، ولاردىڭ زەرتحانالىق بازاسىن قالىپتاستىرۋ؛ بابالاردان قالعان ءسوز جاۋھارلارىن جۇيەلى تانىتۋدىڭ مەنەدجمەتىن قالىپتاستىرۋ. سونداي- اق ءوزىمىزدىڭ ءتول ادەبيەتىمىز ارقىلى قازاق مادەنيەتىن ناسيحاتتاۋ، جاستاردى عىلىمي جوبالارعا قاتىستىرۋ، جاڭا تىڭ باعدارلامالاردى ۇسىنۋ، بۇگىنگى تاڭدا جارىق كورىپ جۇرگەن جاڭا بۋىن جاس اقىن-جازۋشى، عالىمدار شىعارماشىلىعىنا سىني تۇرعىدا كوزقاراس ءبىلدىرىپ، دۇرىس باعىت بەرۋ. ءوز ويلارىن اشىق جەتكىزىپ، ادەبيەت الەمىندە ەركىن سامعاۋعا باۋلۋ.
وسى ورتالىقتىڭ جاستارعا بەرەر تاعى ءبىر جاعىمدى جاڭالىعى - قازىرگى زاماناۋي تالاپقا ساي ءسوز ونەرىنىڭ قادىرىن بۇقارالىق اقپارات كوزدەرىنەن عانا ەمەس، سونىمەن قاتار، عالامتورعا دا ەنگىزىپ www.http.soz.center اتتى سايتتىڭ جاقىندا اشىلاتىن باستاپقى نۇسقاسىن ايتىپ ءسۇيىنشى سۇراۋى.
بۇل سايتتىڭ تيىمدىلىگى ءار تۇتىنۋشى سايتقا تىركەلۋ ارقىلى ءوزىنىڭ تۋىندىلارىن، دارىستەرىن ەنگىزىپ، كەرەكتى ماتەريالداردى تىركەي الادى.
سۇلەيمان دەميرەل اتىنداعى ۋنيۆەرسيتەتتىڭ ىزدەنىمپاز عالىمدارىنىڭ باستاماسىمەن ادەبيەت پەن اقپاراتتىق تەحنولوگيا مۇمكىندىكتەرىن ءبىر ارنادا توعىستىراتىن «ءسوز ونەرىن زەرتتەۋ ورتالىعى» اشىلدى. عىلىمي ورتالىقتىڭ باستى ەرەكشەلىكتەرى - نەگىزگى باس زەرتحانا ونلاين جۇيەسىمەن جۇمىس ىستەيدى.
تورە عالي
«ايقىن»
