ا ق ش پرەزيدەنتى قىتايداعى سالتاناتتى راسىمدە تاعى دا كۇلكىگە قالدى
بۇل جولى اتلانت-تىنىق مۇحيتى ايماعى ەلدەرىنىڭ سامميتىنە بارعان اق ءۇي قوجايىنى قىتايدىڭ ۇلتتىق سۋ كەشەنى ورتالىعىنداعى سالتاناتتى راسىمگە ءوزىنىڭ «ليمۋزينىنەن» ساعىز شايناپ تۇسكەن.
ەندى ەرسى ەمەس پە، پرەزيدەنتتىڭ جۇرتشىلىق الدىندا ساعىز شايناپ بارا جاتقانى.
باراك وبامانىڭ بۇل ارەكەتى قىتايلار تاراپىنان ءادىل سىنعا ۇشىرادى. ەلدىڭ الەۋمەتتىك جەلىسىندە وباماعا قارسى كوپتەگەن قارسى پىكىرلەر جاريالاندى. مۇنى ەلەيتىن وباما ما، ۇيرەنشىكتى جۇرىسىنە باسىپ، ساعىزىن شايناعان كۇيى كەشەنگە كىرىپ كەتتى.
بۇل ءبىر عانا ەمەس، سوڭعى كەزدە اق ءۇي قوجايىنىنا قاتىستى ەرسى ارەكەتتەر كوبەيىپ كەتكەن. ول ەۋروپاداعى ءبىر ەلگە بارعاندا ۇشاقتان تۇسكەن بويدا كۇتىپ العان قاراۋىلعا كۇلىڭكىرەپ، قولىن سامايىنا اپارىپ، سالەم بەرىپ وتە شىققان.
ول، ول ما، باراكتىڭ مادەنيەتسىز قىلىعى نورماندياعا بارعان ساپارىندا دا بايقالعان. ول سالتاناتتى راسىمگە تاعى دا ساعىز شايناپ شىققان. مۇنىڭ سەبەبى نەدە؟ تەمەكىدەن قۇتىلۋ ءۇشىن ساعىز شايناپ جۇرگەن باراكتىڭ بۇل قادامى ءبىراق بەرەكەلى دەپ كىم ايتتى.
«ايقىن»
